Zaragoza en Común ha celebrau iste sabado 20 de chinero en o Centro Laín Entralgo a chornada “Municipalismo 2019: unatra traza d’estar y estar en politica”. Mas de 200 personas s’han inscrito en ista trobada el obchectivo del qual ye tornar a planteyar en Zaragoza en Común debatz estratechicos ubiertos a toda a organización. Pa ixo, a chornada s’ha estructurado en dos sesions de maitín y tarde ta tractar quantos eixes centrals de consenso sobre feminismo, confluencia y municipalismo, con a finalidat de prencipiar a definir achugas estratechicas transformadoras y ilusionants pa o proximo ciclo municipal. Con a finalidat de tener una mirada mas amplia y global, a chornada ha contau con a participación de personas convidadas destacadas de cinco confluencias y organizacions diversas y de diferents territorios.

A sesión de maitín, celebrada de 10 a 13 horas, ha abordau l’apuesta municipalista y confluencia ciudadana en una primera ponencia con Pedro Santisteve, alcalde de Zaragoza, Luisa Broto, vicealcaldesa de Zaragoza; José María González “Kichi”, alcalde de Cádiz, y Iago Martínez, chefe de gabinete d’alcaldía d’A Coruña (Marea Atlantica).

L’acto ha prencipiau con unas parolas de solidaridat a o Concello d’a localidat zaragozana d’a Muela, especialment a o suyo alcalde Adrián Tello y a o conceller de Ganar A Muela, Arturo Espada, dimpués d’a moción de censura empentada por o PAR y o PP. Espada, que ha participau en a trobada municipalista, ha atendiu a os meyos de comunicación entre o maitín y ha denunciau a lamentable tornada d’o caciquismo d’istes dos partius a o municipio zaragozano. Espada ha incidiu en a chestión de l’actual equipo de gubierno “que ha apanyau o que ells estricalloron” y ha destacau a respuesta popular d’os vecins y vecinas que maitín domingo 21 de chinero a las 12 horas se concentrarán en o Concello d’a Muela.

A primera intervención, a cargo de Luisa Broto, ha destacau o surgimiento de Zaragoza en Común en un contexto estatal de confluencia enta nuevos espacios municipalistas y

A suya relación con a sociedat civil y os movimientos socials. “Amenestemos o contrapeso d’a sociedat civil pa seguir tomando tierra con a ciudat”, ha sinyalau Broto. a vicealcaldesa de Zaragoza ha sinyalau que a futuro, Zaragoza en Común ha de seguir profundizando en os retos que planteya o programa y ha reconoixiu o treballo d’os grupos de treballo de ZeC, “apostando por una organización que cudie a la suya chent”.

Iago Martínez, miembro de Marea Atlantica y chefe de gabinete d’Alcaldía d’o Concello d’A Coruña, ha incidiu en a necesidat de reabrir o debat municipalista y articular nuevos mecanismos de participación dentro d’as organizacions. “Amenestemos estar mas que o nuclio duro, hemos de ficar dentro d’a organización mecanismos que estimulen a participación y fer d’as organizacions autenticos laboratorios ciudadanos”, ha afirmau Martínez. Sobre a institución, o miembro de Marea Atlantica ha afirmau que os concellos son o prencipal obchectivo d’os partius de l’orden.

L’Alcalde de Cádiz, José María González “Kichi” ha prencipiau a suya intervención recordando a Jennifer, a primera muller asasinada por a violencia machista en 2018 ista maitinada en Tenerife. L’edil gaditano ha apelado entre a suya comparecencia a combatir o desánimo, “ye important que faigamos desapareixer o desánimo d’a nuestra cotidianeidad. Hemos pasau d’o ret d’afinidat a o ret de municipios por o cambeo y hemos de tornar a fer a riseta” y ha recordau a complejidad social d’as ciudatz. “L’entramado de desánimo ye destinau pa que as clases populars no confíen en o nuestro prochecto”, ha concluiu.

Pedro Santisteve por a suya parte ha descrito o municipalismo como una experiencia radicalment democratica y ha destacau o treballo que as candidaturas municipalistas son levando a cabo, “somos fendo bella cosa muit important: unir voluntatz, pero hemos de creyar entornos afectivos”. Santisteve ha meso en valor a diversidat de l’equipo de gubierno de Zaragoza “nuestra heterochenidat y diversidat ye nuestra nuestra fuerza” y ha sinyalau que a reflexión sobre o municipalismo ha de levar a la dedicación a la chent d’una traza ubierta y plural pa canalizar a la mayoría social d’a nuestra ciudat.

Feminización d’a organización y primarias

A sesión de tarde, de 16 a 19 horas, s’ha centrau en a feminización d’a organización y ha contau con una ponencia en el qual han interveniu Arantza Gracia, concejala d’Educación y Inclusión d’o Concello de Zaragoza, Laia Rosich, coordinadora de relato y de l’eixe de Feminismo y LGTBI de Barcelona en Comú, Marcelo Expósito, deputau en o Congreso por En Comú Podem y Montserrat Galcerán, concellera d’Ahora Madrit.

Laia Rosich, miembro de Barcelona en Comú, ha destacau que as organizacions municipalistas no solament han de feminizarse, sino feministizarse. “a feminización d’a politica no consiste solament en colocar mullers en puestos representativos”, ha afirmau Rosich. Rosich ha explicau que a organización municipalista catalana ha enchegau un plan ta despatriarcalizar a organización y un decalogo. Pa ixo, l’eixe de Feminismos y LGTBI realizó un diagnostico d’o que se desprende que l’intrés en treballar por feminizar a organización ye mayoritario y d’o que se destaca a necesidat d’amillorar en aspectos como a conciliación d’a vida laboral y personal.

Un mensache en el qual ha profundizado a Concellera d’Educación y Inclusión d’o Concello de Zaragoza, Arantza Gracia. a edil ha sinyalau que cal feminizar a politica dende una perspectiva feminista, con empoderamiento d’as mullers y ixo pansa por charrar de politicas de chenero en totz os espacios y ubrir debatz sobre os tiempos d’as baixas de maternidat/paternidad, horarios de reunions y dinamicas de treballo. Gracia ha explicau que “qui han teniu o poder d’una forma socialment naturalizada, os hombres, han de dar un paso dezaga”. Gracia ha explicau qualques d’as reticencias trobadas a la hora de feminizar a institución, pero “manimenos tot seguimos abanzando en a transversalización d’as politicas d’igualdat y diversidat” ha afirmau, metendo como eixemplo as politicas de visibilización LGTB u o plan contra l’acoso en l’ambito laboral en a plantilla municipal.

O deputau d’o Congreso por En Comú Podem, Marcelo Expósito, ha incidiu sobre o recorriu d’as candidaturas municipalistas. “a ciudadanía empoderada se devantó contra o gubierno d’o PP -ha afirmau Expósito- en as grans ciudatz an se confeccionoron candidaturas municipalistas, hue gubiernan”. O deputau ha explicau que o municipalismo heba de recuperar o control sobre os territorios an se produz y se reproduz a vida d’as personas, por ixo “quan o municipalismo funciona, ye un movimiento feministizado”. De cara a 2019, Expósito sostiene que a chent deseya “contundencia contra os d’alto, pero tamién quiere consenso entre os d’abaixo y no siempre hemos respondiu a ixe doble deseyo en os zaguers anyos”. Marcelo Expósito ha achugau por liderazgos colectivos y feminizados y por elaborar un programa común municipalista y un gran clima de familia entre os proximos meses.

Entre a suya intervención Montserrat Galcerán, concejala d’Ahora Madrit, ha sinyalau que de cara a 2019, as candidaturas municipalistas no parten de zero por a experiencia acumulada. Galcerán ha distinguiu o municipalismo tactico d’o municipalismo feminista, iste zaguer punta de lanza pa la transformación social y ha defendiu as candidaturas plurals porque enriqueixen a chestión, obligan a o debat, incluyen a las mullers y respectan as opinions politicas minoritarias.

Galcerán ha defendiu o municipalismo como una espacio clave “porque as mullers nos ocupamos de guarenciar condicions adequadas pa que as personas puedan vivir, problemas a el qual nos enfrentamos tamién dende as ciudatz” y ha feito un llamamiento a la configuración de candidaturas supramunicipals. “Caminemos ent’a conquiesta d’os territorios pa que as ciudatz guarencien una vida digna” ha concluiu a edil madrilenya.

Dimpués de todas dos sesions, l’evento s’ha complementau con treballo en distintos grupos y mesa en común. O planteamiento d’ista trobada ye chenerar intelichencia colectiva y espacios de reflexión colaborativos y transversals, que permitan fortalecer Zaragoza en Común de cara a os proximos retos de 2019.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies