Ista ye a carta que s’ha ninviau a os esferents partius politicos ta establir una vía de relación formal con os mesmos:

En o mes d’agosto d’iste anyo una colla de personas decidiemos creyar un prochecto municipalista integrador y plural. En o nuestro animo, fer una candidatura ciudadana ta ganar o Concello de Zaragoza.

Naixiemos seguindo a estela de prochectos parellanos que amaneixeban en atras ciudatz. Hemos creixiu compartindo y debatindo diferents propuestas, y dotando-nos d’una organización en a quala cullen personas y collas politicas.

Dica agora, nos diemos a conoixer a la ciudat con un clamamiento que contiene os nuestros prencipios basicos; tenemos una fuella de ruta aprebada en Asambleya; hemos formau collas de treballo sobre vivienda, urbanismo, cultura, meyo ambient, vicos, participación ciudadana, esporte y educación; y, o día 20 de noviembre nos presentamos a la ciudadanía zaragozana con ilusión y un claro compromís politico.

Somos conscients que amenestemos estar mas. Queremos contar con todas aquellas formacions politicas y personas que tienen una larga trachectoria d’esfensa d’a democracia y os dreitos socials, y, tamién, con os que han decidiu deixar de callar y salir a la carrera ta pedir una democracia real.

Con ista finalidat, hemos creyau una Colla de Treballo dedicau a establir comunicación directa con as fuerzas politicas. O nuestro primer quefer ye entrevistar-nos con cadagún d’os organos u personas que ostenten a maxima responsabilidat en l’ambito local d’ixas fuerzas. Queremos ascuitar-tos, conoixer qualas son as vuestras expectativas y deseyos sobre iste prochecto colectivo clamau Ganemos Zaragoza.

Por ixo, tos convocamos a una entrevista cercana, an nos expresetz o que pensatz como grupo politico y ciudadano, y an tamién tiengamos oportunidat de conoixer vuestras dubdas, ta aclarir-las in situ u tresladar-las a Ganemos Zaragoza.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies