O proximo martes 13 de chinero a las 19:00 en o CC Gara d’o Norte tendrá puesto una nueva asembleya de Ganemos Zaragoza. Dimpués d’uns nadals de muito treballo interno d’os diferents grupos, ye o momento de que o proceso prena empento definitivament a poco mas de 4 meses d’as eslecions (previstas t’o 24 de mayo).

Ye important que todas as personas que achugamos por una candidatura municipalista y de ruptura t’a ciudat acudamos a ista asambleya ta, con fuerzas y enerchías renovadas, concarar o prencipio d’un ciclo electoral que se vaticina apasionant y historico. Ye en as nuestras mans construir-lo y no podemos fallar en iste quefer.

L’Orden d’o Día ye o siguient:

1. Codigo etico.Toma de decisión sobre o documento elaborau por o Grupo de Codigo Etico. S’amenista a suya aprobación ta rancar o proceso de primarias.

2.     Ratificación d’o calandario d’eslecions Primarias.
Adequación d’o calandario d’as calendatas d’as eslecions primarias. L’aprebau en a zaguera asambleya se yera incumplindo y impediba a celebración d’as mesmas por o que resulta imprescindible ista adequación.

  • 20 chinero a 28 de febrero: inscripción en o censo electoral.
  • 20 chinero a 8 febrero. Inscripción
  • 9 febrero – 22 febrero: Campanya electoral
  • 23-27 febrero: Votación online
  • 28 febrero: Votación presencial
  • 5 marzo presentación publica

Composición definitiva d’a Comisión Electoral (faltan 4 miembros ta completar-se).

3.      Propuesta de validación ciudadana d’a candidatura de Ganemos Zaragoza. replegada de sinyaturas. 

Ratificación d’a propuesta elaborada por o grupo de Primarias y de Comunicación.

4. Estructura. 

Sobre a base de l’alcuerdo preso en a zaguera asembleya y por mandau d’a mesma, os grupos de metodolochía y churidico presientan documento conchunto sobre estructura y proceso de toma de decisions de Ganemos Zaragoza.
Ratificación.

5. Portavocías. 

6. información d’o Grupo de Churidico: Partiu instrumental y organos de coordinación d’a coalición electoral.

Punto d’información sobre os abances en a reglamentación que ye desenvolicando o Grupo de Churidico (no i hai toma de decisión pues no ye rematau o reglamento).

7. Información d’os organos vicos y sectorial.

8. Ruegos y preguntas.

O plazo ta presentar esmiendas a os documentos que se sozmeten a toma de decisión (1 a o 4) rematará o venient luns a las 14:00 h. as esmiendas se pueden ninviar por correu electronico a[email protected]

a coordinadora ha entendiu que as propuestas presentadas por o grupo de relacions politicas:

  • ”Que se permita a os diferents colectivos (asociacions de vecins, culturals, entidatz socials, partius politicos, unatro tipo de colectivos y/u asociacions, etc.) puedan realizar propuestas a titol colectivo dentro d’o programa electoral colaborativo, facilitando-les un usuario como grupo dentro d’a ferramienta web elaborada ta ixo”.
  • ”Que s’enamplen as funcions d’o GT de Relacions Politicas de traza que s’incluiga a relación con grupos politicos que sin estar partius politicos si puedan tener presencia activa bien en Ganemos Zaragoza u bien a ran colectivo en a vida d’a Ciudat?.

Son decisions que, en o primer caso ya se puede fer (de feito os grupos de treballo sectorials tienen una cuenta cadagún) y solo han de rechistrar-se a traviés d’a propia plataforma y en o segundo que ya estió aprebau en l’asambleya d’o 17 de noviembre de 2014  (alcuerdo 2 ) que textualment diz “formacions y organizacions politicas, dillá d’os partius politicos”, por o qual no procede sozmeter de nuevo a l’Asembleya.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies