Zaragoza, 16 de febrero de 2015.- Iste martes, 17 de febrero, a siede de l’Asociación de Vecins Rey Fernando acullirá o segundo foro Actur-Parque Goya de Ganemos Zaragoza con o lema “Politicas t’o Vico y a Ciudat”.
A partir d’as 19:00 horas tendrá puesto ista trobada con as y os vecins d’un d’os vicos mas extensos y con mas habitants de Zaragoza. A cita, en a quala Ganemos Zaragoza torna a dar a conoixer y en a quala se planteya como obchectivo sumar refirmes ta iste prochecto, será en l’AVV Rey Fernando (C/ Ildefonso Manuel Gil nº 6).
Ista trobada servirá, amás de ta replegar as prencipals demandas d’as personas que viven y conviven en iste vico y exposar cómo plasmarlas en o programa colaborativo, ta detallar o modo de funcionamiento de Ganemos Zaragoza y o suyo Codigo Etico. Amás, tamién s’informará sobre o proceso de primarias que ya ye en marcha y se prolongará dica o día 28 de febrero.
Un d’os compromisos expresaus en o “Clamamiento de Ganemos Zaragoza” ye recuperar a chestión d’os nuestros afers por meyo d’una chestión publica honesta, transparent y responsable, empecipiando a treballar “por o mas amanau: a nuestra ciudat, os nuestros vicos, o nuestro concello. Solament i hai un camín ta aconseguir que ista achuga sía un exito, solament i hai un requisito ta GANAR ZARAGOZA: que siamos a chent d’a carrera qui tomemos as decisions. Porque somos vecinas y vecins con dreito a construir a ciudat que queremos: una ciudat a o servicio d’o buenpasar colectivo, no d’os diners”.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies