Se baralla, entre atros, o nombre de “Zaragoza en Común” ta remarcar o suyo caracter colectivo y diferenciador y compartir denominación con atros procesos similars en atras ciudatz
Zaragoza, 17 de febrero de 2015.- Ganemos Zaragoza celebra Plenario (asambleya de personas inscritas en grupos de treballo) iste mierques 18 de febrero con un largo orden d’o día organizativo en o qual destaca o debat y posible aprebación d’o cambeo de nombre churidico por imperativo legal. A nueva denominación podría estar Zaragoza en Común ta remarcar a valor colectiva d’o prochecto y a suya voluntat de recuperar a ciudat ta toda a ciudadanía, y clamar-se amás como procesos similars en atras ciudatz espanyolas.
En l’orden d’o día ye previsto tamién discutir os abances en o desembolique d’o programa electoral colaborativo que dimpués de dos meses de treballo, quantos foros tematicos y de distrito, y numerosas mesas en comuna ha plegau en o suyo borrador nº 1. O programa electoral de Ganemos no s’amuestra ta estar enmendau por as entidatz sino que se desembolica dende o primer concepto de forma colectiva.
O Plenario tamién abordará afers economicos ta financiar o proceso y a campanya electoral de modo transparent y sin recurrir a prestamos bancarios.
Prencipiará a las 19:00 h y se celebrará en o Centro Civico Estación d’o Norte.
As siguients citas de Ganemos Zaragoza previstas son:
22: Chornada programatica
D’o 23 a o 27: votación on-line primarias
28: votación presencial primarias
As calendatas de grupos de Treballo, Foros, etc. son permanentment en a nuestra web asinas como afers financiers y decisions tomadas.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies