Zaragoza, 19 de febrero de 2015.- Iste viernes, 20 de febrero, a siede de l’Asociación de Vecins de Sant Chusé (C/Ventura Rodríguez) será o punto de trobada t’o Foro que Ganemos Zaragoza va a ofrir en iste vico.
Dende as 19:30 horas tendrá puesto ista trobada con as y os vecins de Sant Chusé. O grupo de treballo de Vicos de Ganemos Zaragoza pretende dar a conoixer de modo directo, dentrando en contacto con a ciudadanía ta, amás, sumar refirmes ta iste prochecto.
Ista trobada servirá, amás de ta replegar as prencipals demandas d’as personas que viven y conviven en iste vico y exposar cómo plasmar-las en o programa colaborativo, ta detallar o modo de funcionamiento de Ganemos Zaragoza y o suyo Codigo Etico. Amás, tamién s’informará sobre o proceso de primarias que ya ha encetau y se prolongará dica o día 28 de febrero.
Un d’os compromisos expresaus en o “Clamamiento de Ganemos Zaragoza” ye recuperar a chestión d’os nuestros afers por meyo d’una chestión publica honesta, transparent y responsable, empecipiando a treballar “por lo mas amanau: a nuestra ciudat, os nuestros vicos, o nuestro concello. Solament i hai un camín ta aconseguir que ista achuga sía un exito, solament i hai un requisito ta GANAR ZARAGOZA: que siamos a chent d’a carrera qui tomemos as decisions. Porque somos vecinas y vecins con dreito a construir a ciudat que queremos: una ciudat a o servicio d’o buenpasar colectivo, no d’os diners”.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies