Os candidatos Paco Iturbe y Alberto Cubero han denunciau as clausulas abusivas d’o contracto d’iste nuevo dragado quitau a concurso por Jerónimo Blasco

“Zaragoza se troba a las puertas d’o suyo enesimo dragau y cal explicar-le a la chent que istas actuacions son inutils, caras y nocivas t’o río, amás de que no se fa con unatro obchectivo que permitir a navegación d’os Ebro buses”. D’iste modo, Paco Iturbe, de conchunta con Alberto Cubero, totz dos candidatos d’a lista de Zaragoza en Común ta ganar o Concello, han compareixiu debant d’os meyos de comunicación ta criticar l’actitut de l’equipo de Gubierno municipal y denunciar un contracto de dragado “que ye un regalo t’a interpresa”, como ha explicau Cubero.
“Os dragaus son inutils por a propia dinamica fluvial: sacamos gravas d’un puesto, pero dimpués o río las acumula en o mesmo puesto”, explica. “Por tanto, a inutilidat queda contrimostrada quan o Concello s’empenya en repetir-lo anyo dimpués d’anyo”, ha explicau Paco Iturbe.
Os candidatos de Zaragoza en Común han sinyalau a “engrucia que suposa l’eufemismo esgrimiu iste anyo, charrando de reubicación de gravas en cuentas de dragau”. “Ista mira d’engrucia se puede desmontar facilment revisando qualsiquier manual d’incheniería y revisando a revisión de dragau”, apunta Iturbe. “Somos debant d’una actuación quala unica fin, ye exclusivament permitir a navegación d’os barcos turisticos, una actividat artificial”, ha adhibiu. En iste sentiu, ha recordau que o contracto pide que se “retiren gravas d’una parte ta tornar a colocar-las en unatra parte de l’Ebro”.
Alberto Cubero ha subrayau “o sinsentiu que suposa que un contracto d’obra menor, como suposa iste concurso por valor de 60.000 euros, tienga una cláusula de confidencialidat”. Amás, ha advertiu que s’ha incluiu unatra cláusula que suposa que a interpresa cobrará ista cantidat se decida u no fer dito dragado, finalment.
Por zaguer, Iturbe ha alegau que “un dragau ye nocivo porque ye como si le rancamos a piel, arrasando con o fondo d’o río an viven algas y macro invertebraus, alimento de peces y aus, puesto de desove d’as almellas”.
Debant d’as preguntas sobre si os dragados pueden privar os daños d’as riadas, como el qual ha sufierto Zaragoza y os vicos rurals y lugars d’a ribera, Iturbe ha sinyalau que, precisament, excavar canals dentro d’o río fa que as gravas s’acumulen en atras partes an antes no lo feban, precisament mas amán d’as casas, y ye por ixo que un dragado encara puede chenerar mayor risgo.
[cml_meya_alt itz='1511']Rueda Dragado Paco Iturbe y Alberto Cubero 002[/cml_meya_alt]

[cml_meya_alt itz='1513']Rueda Dragado Paco Iturbe y Alberto Cubero 007[/cml_meya_alt]

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies