Ista tarde, os candidatos Luisa Broto, Pablo Muñoz y Teresa Artigas exposarán debant d’as y os vecins d’o vico os procesos de participación ubiertos en Zaragoza en Comuna y, amás, replegarán as suyas propuestas sobre Sant Chusé y a ciudat

Zaragoza, 07 d’abril de 2015.- Os candidatos de Zaragoza en Común Luisa Broto y Pablo Muñoz asistirán ista tarde a o II Foro de San José, convocado ista tarde a las 19:30 horas en o CC. Teodoro Sánchez Punter ta connectar os anhelos y peticions d’o vico con ista candidatura municipalista.
D’iste modo, Zaragoza en Común contina en a suya labor de dar voz a os vicos. L’obchectivo d’istes actos publicos ye dar a conoixer o prochecto de Zaragoza en Común, un prochecto de ciudat. En iste sentiu, s’informará a las personas asistents sobre a metodolochía participativa, o programa colaborativo y documentos como o codigo etico. Zaragoza en Común convida a todas as vecinas y vecins d’o vico de Sant Chusé a amanar a iste acto ta conoixer ista candidatura, asinas como ta fer as suyas aportacions y expresar as suyas inquietutz.
Amás d’a traviés d’os foros de vicos, Zaragoza en Común tamién funciona por meyo d’atros espacios de participación, que son os foros sectorials, en o qual, agrupaus por grans arias tematicas (servicios socials, cultura, urbanismo, etc.), a ciudadanía fa as suyas aportacions a o programa electoral, d’o que agora mesmo i hai un primer borrador y se troba en periodo d’esmiendas.
Un d’os compromisos expresaus en o “Clamamiento de Ganemos Zaragoza” ye recuperar a chestión d’os nuestros afers por meyo d’una chestión publica honesta, transparent y responsable, empecipiando a treballar “por lo mas proximo: a nuestra ciudat, os nuestros vicos, o nuestro concello. Solament i hai un camín ta aconseguir que ista achuga sía un exito, solament i hai un requisito ta GANAR ZARAGOZA: que siamos a chent d’a carrera qui tomemos as decisions”.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies