O candidato de Zaragoza en Común a o Concello de Zaragoza ha manteniu hue una reunión con Fundación DFA y ha visitau as suyas centros

Zaragoza, mierques 1 d’abril de 2015.- O candidato de Zaragoza en Común a o Concello de Zaragoza, Pedro Santisteve, ha asistiu iste maitín a las Trobadas Electorals sobre Discapacidat de Fundación DFA. Allí s’ha reuniu con l’equipo directivo d’a entidat social que le han transmitiu as suyas propuestas y as inquietutz d’o colectivo d’a discapacidad ta que sían replegadas en o programa d’as eslecions d’o mes de mayo.
Santisteve ha qualificau a reunión de “muit interesant” y ha dito que replegaba “as necesidatz d’as personas con discapacidad ta estudiar-las y veyer quáls se podrían implantar”. Ha mencionau a situación de vulnerabilidat d’iste colectivo ta subrayar a importancia de “implantar politicas d’equilibrio social”. En iste sentiu, s’ha referiu a las politicas d’emplego, a que se tienga en cuenta “a desigualdat social” tamién en ista materia.
L’accesibilidat y a mobilidat han estau atras d’as qüestions destacadas por o candidato de Zaragoza en Común, “qualsiquier ciudadano habría de poder amanar-se a qualsiquier punto d’a ciudat con transporte publico, privar as barreras y os obstáculos”.
L’obchectivo d’as Trobadas Electorals de Fundación DFA ye dar a conoixer as necesidatz y as caracteristicas d’o colectivo ta que os partius politicos tiengan en cuenta a las personas con necesidatz especials en os suyos programas electorals y tomen decisions, si son esleius, valorando a todas as personas y a las suyas diferents capacidatz.
Entre as peticions de Fundación DFA t’os candidatos s’incluyen materias d’accesibilidad y o cumplimiento d’a normativa, un especial ficacio a la eliminación de barreras en a construcción publica, o control de l’uso d’as tarchetas d’aparcadero ta privar o mal uso y os fraudes.
Os responsables d’a entidat social han tresladau a Pedro Santisteve a suya preocupación por as dificultatz d’o colectivo d’a discapacidad ta trobar emplego y a necesidat d’articular medidas que faciliten l’acceso a o mercau de treballo.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies