Fernando Rivarés, Arantza Gracia y Rosa Burgos exposarán debant d’os vecins y vecinas de Val d’Espartera, Montecanal, Casablanca, Roseras d’a Canal y Arcosur as prencipals propuestas d’a suya candidatura y tamién escuitarán las demandas que ells proposen

Zaragoza, 30 de marzo de 2015.- O Centro Civico Isaac Valero de Casablanca (C/Viñedo Viello 1) acullirá l’I Foro Vicos d’o Sud de Zaragoza en Común maitín, martes 31 de marzo, a partir d’as 19:00 horas. Arantza Gracia, Fernando Rivarés y Rosa Burgos, serán os encargaus de presentar a candidatura municipalista de Zaragoza en Comuna.
Tamién asistirán a iste acto publico atras personas que componen a lista a o Concello y que, igual que Gracia, Rivarés y Burgos, conoixen de primera man as necesidatz d’istes vicos, como Tatiana Cardenal, Iván Andrés, Miguel Isla u Daniel Gil. Asinasmesmo s’ubrirá un redolín ubierto de propuestas, en el qual seguro que tamién se debatirá sobre afers que importan y preocupan a la chent, como a planificación d’equipamientos educativos u a calidat d’os servicios publicos.
L’obchectivo d’istes actos publicos ye dar a conoixer o prochecto de Zaragoza en Común, un prochecto de ciudat. En iste sentiu, s’informa a las personas asistents sobre a metodolochía participativa, o programa colaborativo y documentos como o código etico. Zaragoza en Común convida a todas as vecinas y vecins d’os Vicos d’o Sud a amanar a iste acto ta conoixer ista candidatura municipalista y ta fer as suyas aportacions y expresar as suyas inquietutz. Amás d’a traviés d’os foros de vicos, Zaragoza en Común tamién funciona por meyo d’atros espacios de participación, que son os foros sectorials, en el qual, agrupaus por grans arias tematicas (servicios socials, cultura, urbanismo, etc.), a ciudadanía fa as suyas aportacions a o programa electoral, d’o que agora mesmo i hai un primer borrador y se troba en periodo d’esmiendas.
Un d’os compromisos expresaus en o “Clamamiento de Ganemos Zaragoza” ye recuperar a chestión d’os nuestros afers por meyo d’una chestión publica honesta, transparent y responsable, empecipiando a treballar “por lo mas proximo: a nuestra ciudat, os nuestros vicos, o nuestro concello. Solament i hai un camín ta aconseguir que ista achuga sía un exito, solament i hai un requisito ta GANAR ZARAGOZA: que siamos a chent d’a carrera qui tomemos as decisions”.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies