Fernando Rivarés y Pablo Muñoz han valorado iste maitín as esmiendas presentadas por os grupos a o prochecto de Presupuestos 2017. Una valoración feita dende un preacuerdo d’as fuerzas de cucha en o Concello y a leyaltat existent a ixe alcuerdo.
Entendemos que l’alcuerdo d’as tres fuerzas progresistas en o Concello (ZeC, PSOE y CHA) ha d’estar global. Bloquiar l’acción de gubierno pa acusar de paralización ye inviable y no forma parte d’un pacto de cuchas. No podemos admitir cosetas como l’ocurriu con o refuso a o prochecto de Pontoneros.
Iste alcuerdo debe reflejarse en uns presupuestos realistas y executables que han de dibuixar os prochectos d’os tres grupos de cuchas. No renunciaremos ni a l’ampliación d’o servicio BiZi, ni a o prochecto d’ampliación d’o Parque Pignatelli.
A partir d’a comisión d’o proximo 25 de chinero, a militancia y as personas que participan en Zaragoza en Comuna serán qui decidan a posición de voto d’os concellers y concelleras en o pleno.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies