Zaragoza en Común pide a o PSOE que torne a negociar y no meta a 14 treballadoras como sincusa pa no plegar a un alcuerdo presupuestario.
A organización municipalista ubrirá un proceso de votación entre os días 26, 27, 28 y 29 de chinero pa que os suyos bases determinen a posición de voto sobre o presupuesto municipal que o Grupo Municipal defenderá en o pleno. D’o 26 a o 28 de chinero, as personas inscritas en Zaragoza en Comuna podrán votar por medio d’un punto de votación online que se publicitará en os proximos dias en www.zaragozaencomun.com/presupuestos17 y de traza presencial, o día 29 en a siede de Zaragoza en Común (plaza d’o portillo 3) en horario de 10 a 14 y de 16 a 20 horas.
O periodo de votación s’ubrirá dimpués d’a comisión d’economía d’o día 25 de chinero, en la qual se votarán as esmiendas presentadas por os grupos y dimpués d’el qual s’establirá a pregunta a votar.
L’Asemblea Ciudadana valora os escenarios d’a negociación de presuposaus
L’Asemblea Ciudadana celebró ahiere 18 de chinero una chornada ubierta en la qual Pedro Santisteve y Fernando Rivarés explicoron a situación actual d’a negociación d’os presupuestos, pa replegar a decisión de las bases. Una situación que ahiere por o maitín se vió enturbiada dimpués d’a suspensión d’as negociacions por parte d’o PSOE. Maribel Martínez, portavoz de Zaragoza en Común, ha manifestau que “o PSOE rompe as negociacions metendo como primer veto o 010” y “habrá d’explicar a os zaragozans y zaragozanas, a las suyas votantes y prencipalment a las propias treballadoras d’o 010 y a os sindicatos d’o Consistorio con el qual ya se i heba pactado la reforma d’a plantilla, a suya empeño por seguir privatizando un servicio an a interpresa no paga a las suyas treballadoras”.
Martínez pide a o PSOE que “recapacite y torne a posar en a mesa a negociar os presupuestos ya que, encara que o 010 no supose garra problema pa Zaragoza en Común pa plegar a un alcuerdo, a negociación no puede realizar a pur de chantajes”.
Zaragoza en Común valorará totz os escenarios posibles d’a negociación presupuestaria y tomará as decisions pertinents “sin renunciar a un presuposau d’alto conteniu social, pensau pa os habitants d’ista ciudat” y “nuevament y como levemos fendo dende o menuto un, tendemos a man a o PSOE y a CHA”, ha declarau Martínez.
Por zaguer, pedimos maximo respecto a os procesos de decisión, en referencia a las parolas d’o portavoz socialista Carlos Pérez que cuestionó o mierques la toma de decisions por las bases, l’ausencia de procedimientos de democracia interna y de participación d’atras organizacions no va a condicionar a forma colectiva de toma de decisions que tenemos en Zaragoza en Comuna.