O proceso de consulta a las bases de Zaragoza en Común pa decidir a postura debant d’o prochecto d’os presuposaus ha concluiu con un amplio emparo a o Si.

Entre os días 26, 27, 28 y 29 de chinero hemos celebrau un proceso de votación online y presencial pa decidir a postura d’os concellers y concelleras sobre o prochecto de presupuestos municipals en o pleno d’o día 30.

Sobre un censo de 1421 personas han participau 486 (un 34’20%). D’istas, 453 (un 93’21%) han dau o suyo emparo a o prochecto de presuposaus, 32 (un 6’58%) han expresau o suyo refús y una persona (0’21%) ha votau en blanco.

Os portavoces de Zaragoza en Común, Maribel Martínez y Carlos López, han meso en valor tanta o buen dato de participación como o feito que ista haiga estau a sola fuerza politica municipal que haiga sozmetiu a suya decisión final.

Dimpués d’un largo proceso de quantos meses o mierques se votó en a Comisión d’Economía d’o Concello o prochecto de presupuesto municipal pa 2017. Este proceso s’encetó con a elaboración d’o borrador por parte d’o Gubierno Municipal con a participación d’os diferents grupos de treballo de Zaragoza en Común, as indicacions realizadas en Plenario, as aportacions de diversas entidatz socials, vecinals, culturals, sindicals, etc. Iste se prencipió a negociar con a resta d’os grupos municipals, y en especial con el qual emparoron a investidura de Pedro Santisteve: PSOE y CHA.

Dimpués de duras negociacions realizadas dende l’equipo d’Economía en coordinación con a resta de concellers y concelleras, s’ha plegau a un prencipio d’alcuerdo con istes partius, una vez que garra d’os prochectos planteyaus por ZeC pa 2017 haigan caito d’o presupuesto, como beluns pretendeban.

O presupuesto que se vota en o pleno d’o día 30 de chinero incluye totz os prochectos que heban estau incluius por o Gubierno en as suyas diferents arias, que no son mas que o reflejo d’o programa electoral de Zaragoza en Común, o nuestro contracto con a ciudadanía de Zaragoza. No s’alteran as grans lineas d’o prochecto de presuposaus presentau por o Gubierno an l’atención a la desigualdad social, a sostenibilidad ambiental, l’actuación en os barrios y o comercio de proximidat son os elementos sobre el qual dibuixar o modelo de ciudat que queremos pa Zaragoza y l’emplego, a participación y a cultura como elementos transversals a la mesma.

Atención a la desigualdat social, con o mayor presupuesto en acción social d’a historia (con mas de 100 millons d’euros) incluindo un ambicioso programa de politica publica de vivienda.

Apuesta por a sostenibilidat: Estalbio enerchetico, achuga por una mobilidat sostenible con a potenciación d’o vehíclo electrico, ampliación d’o servicio bizi, rehabilitación d’edificios y plan piloto de replegada selectiva de vasuera organica.

Actuación en os barrios: urbanismo d’as cosas sencillas, presupuestos participativos con 5 millons dedicaus d’o total d’a inversión, muitos atros chicotz prochectos tanto en carreras como en equipamientos incluius os barrios d’o Sud y os rurals, l’ampliación d’o Parque Pignatelli, etc.

Emplego y Comercio de proximidat: cal destacar una inversión de mas de 10’7 millons destinaus a o fomento d’emplego, con dos prochectos novedosos como a estratechia de Desembolique Local Sostenible y o plan pa emparar a o comercio de proximidat asinas como una partida pa cosirar o cumplimiento d’os pliegos por parte d’as grans contratas.

Cultura: creixe en un millón d’euros en politicas d’o cine, o libro, o circo, l’emparo a o talento local y a descentralización.

Frent a os 8 millons que pediba o PSOE y os 7 de CHA, s’ha plegau a un alcuerdo presupuestario en el qual o PSOE introduz partidas por valor de 3,5 y CHA por valor de 2,4 millons d’euros aproximadament. Ye important destacar que belunas d’istas partidas han enriquiu o prochecto elaborau por ZeC en incluir por eixemplo actuacions relativas a la memoria historica, d’emparo a l’aragonés, creyación d’azoteas verdas en edificios municipals, l’actuación en a carrera Neptuno (Arcosur) asinas como o plan director d’Averly entre atras.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies