En relación a las informacions amaneixidas en diversos medios de comunicación en o día de hue en relación a l’Impuesto de Contaminación d’as Auguas (ICA), as qualas no s’achustan completament a la realidat queremos fer plegar a siguient información.

O Gubierno s’ha oposau dende o primer día a o cobro d’iste impuesto en Zaragoza. I hai habiu no pocos intentos de negociación con a DGA, totalment infructuosos dica a calendata.

Entre os zaguers meses s’han produciu una serie de reunions de caracter estrictament tecnico entre funcionarios municipals y de l’Instituto Aragonés de l’Augua, an se metió de manifiesto os enormes problemas existents pa la transmisión d’o fichero con os datos de consumo d’augua d’os zaragozans por parte d’o Concello a o Gubierno d’Aragón fruto d’a chapuza administrativa que ha suposau este proceso dende que unilateralment o Gubierno d’Aragón decidise imposar iste impuesto a os zaragozans y zaragozanas.

Fa un mes aproximadament o Concello recibió una carta d’o Consellero de Medioambiente d’a DGA, Joaquín Olona, an se daba un plazo d’un mes pa la entrega d’os datos, o qual podeba entender en una especie d’ultimátum . cal recordar que o Concello ye obligau por a Lei a facilitar ixes datos y que a propia Lei d’Auguas d’Aragón preveye que en caso de no entregar-los se sería cometendo una infracción tributaria grieu y que a DGA podría plegar a pasar o cobro de totz os recibimientos d’os zaragozans dreitament a o Concello, uns 14 millons d’euros.

Por iste motivo, y una vez que s’han explorau todas as vías legals existents pa privar-lo (recordamos que s’ha interpuesto un recurso d’inconstitucionalidad por parte d’os deputaus d’Unius Podemos, un contencioso por parte d’o Concello contra a orden que regula a transmisión d’os datos, una consulta a l’Achencia Estatal de Protección de Datos, etc.) ahiere se decidió proceder a la entrega solament os datos de chinero de 2016. Istes datos son insuficients pa que a DGA pueda pasar o cobro de l’impuesto, ya que en estar este de caracter anual, amenesten os datos de tot l’anyo pa ixo.

Dita entrega s’ha feito advertindo que pa o suyo uso, a DGA debe modificar a orden que aprebó con nocturnidad y alevosía o pasau mes d’agosto sin sisquiera preguntar a o Concello en el qual viven mas d’a metat d’os aragoneses si se podeba complir. Evidentment no ye asinas, ye por ixo que charremos de CHAPUZA ADMINISTRATIVA, una mas, d’o Sr. Gimeno.

Queremos recordar amás que un buen numero de Concellos aragoneses s’oposan a iste impuesto, encara que dica a calendata solament nusatros y Fabara no hebanos entregau o padrón necesario pa o suyo cobro.

En a respuesta dada a o Consellero Olona, an se meten de manifiesto todas istas qüestions, s’ha quiesto dar asinasmesmo o posicionamiento politico sobre ista qüestión d’o Gubierno municipal que ye a siguient:

– Seguimos considerando a l’ICA un impuesto inchusto, tot un SAQUEO a os zaragozans, que ya han pagau d’o suyo bolsillo a depuración d’as suyas auguas y que atentan contra l’autonomía municipal ya que a depuración ye una competencia d’o municipio.

– Tornamos a recordar que o conflicto estió ubierto por o Gubierno d’Aragón en haber aprebau una modificación d’a lei pa obligar a que os zaragozans paguemos l’impuesto de traza unilateral con nocturnidad y alevosía, eliminando o rechimen anterior de concierto. Ye por ixo por o que no se renuncia a os procesos chudicials enchegaus ya que consideramos que a razón ye d’o nuestro costau. Consideramos necesario pa resolver-lo tornar a o rechimen anterior con una serie de condicions.

–  Se debe permitir aplicar prencipios de progresividat fiscal y de recuperación de costes d’os servicios relacionaus con a chestión d’as auguas que se replegan en o sistema tarifario de l’augua en Zaragoza.

– Cal apostar por a transparencia, o control y a chestión publica de l’augua, ta ixo se considera necesario acometer una auditoría d’o Plan de Saniamiento y Depuración d’Aragón y de l’Instituto Aragonés de l’Augua.

– Con lo recaudado con l’ICA en Zaragoza (tot u en parte) s’habrán de financiar as actividatz de prevención d’a contaminación, saniamiento y depuración que son necesarias acometer en o termin municipal de Zaragoza y que son competencia d’o Concello de Zaragoza ta no incurrir en una doble tributación a os zaragozans. Ye dicir que l’ICA NO puede estar un SAQUEO a os habitants de Zaragoza.

Grupo Municipal de Zaragoza en Común

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies