En o maitín d’o mierques 1 de marzo, Pedro Santisteve y Pablo Muñoz s’han reuniu con o Ministro de Fomento pa desbloquiar afers muit importants pa Zaragoza en una reunión que o propio alcalde ha qualificau de “fructifera”.

Se produz un desbloqueo, dimpués de 30 anyos de revindicación vecinal, t’a cesión d’Avenida Catalunya. O Ministro s’ha comprometiu a una cesión rapida y renovando toda a calzada con caracter previo actuando con a mesma politica de cesión de travesías en cascos urbans que en a resta de ciudatz. Tresladaremos a ofierta a os grupos municipals pa poder salvar os problemas de financiación que levaría ista actuación.

Tenor Fleta tamién podrá estar obchecto de cesión pa que pueda prolongarse dica o tercer cinturón por medio d’a construcción d’un puent entre totz dos cajones ferroviarios, bella cosa que o ministro ha considerau “muit interesant”.

Se creya tamién un Grupo de treballo chunto a ADF y DGA pa meter solucions realistas a os suelos de Zaragoza Alta Velocidat dimpués d’a suya depreciación conseqüencia d’o estallido d’a burbuja immobiliaria y que tantas cicatrices y vacíos urbans ha deixau en a ciudat.

Asinas mesmo, o ministro le ha comunicau a l’alclade a intención de realizar un prochecto de millora d’a linea ferroviaria con Valencia.

Son totz ells afers muit importants pa la ciudat, pa una Zaragoza que abanza.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies