Dende Zaragoza en Común queremos sumar-nos iste 8 de marzo, día internacional d’as mullers, a l’aturo laboral y vaga de cudiaus convocado por distintos colectivos y asociacions de mullers de totz.

As mullers de ZeC convidamos a la resta de mullers d’a ciudat, bien sían asalariadas, aturadas, autonomas, estudiants, pensionistas, precarias, cuidadoras u cobren subsidios, porque todas somos treballaderas, a aturar porque:

  • Nos son matando y nos faltan todas as mullers que han estau y son estando asasinadas como conseqüencia d’a violencia machista.

  • Nos queremos vivas y no queremos que i haiga ni una menos.

  • Queremos que se valore y dignifique, d’una vez por todas, o treballo de cudiaus, treballo que asumimos mayoritariament nusatras as mullers.

  • Consideramos treballo, no solament a o treballo remunerau, sino totz os quefers que han de veyer con o cudiau d’os cuerpos vulnerables.

  • Exichimos un sistema economico que coloque en o centro o buenpasar y o mantenimiento d’a vida y que entienda a producción como una categoría ligada a la cheneración de buenpasar y no a la cheneración de beneficios economicos.

  • Seguimos cobrando menos, o nuestro emplego ye muito mas precario, flexible y desregularizado que o d’os hombres. Amás, ista desigualdad economica y laboral aumenta a vulnerabilidad d’as mullers frent a la violencia machista.

  • Queremos que o sistema heteropatriarcal deixe de querer confinarnos a o espacio domestico y a la maternidat obligatoria, de no estar que sían opciones deseyadas y esleidas por nusatras.

  • Pa denunciar unas politicas que criminalizan os movimientos migratorios.

  • Queremos un modelo no individualista de sociedat que promueva o que podamos teixir retz de solidaridat, d’aduya mutua y de cudiaus entre nusatras.

  • Queremos un modelo urbano planificau y disenyau pa atender as necesidatz y as distintas dimensiones d’a vida humana, no pensau solament ta atender as necesidatz d’o treballo remunerau.

  • Hemos d’organizar-nos pa cambiar-lo tot, pa meter patas alto un sistema que nos invisibiliza, nos violenta y precariza nuestras vidas.

Por tot ixo, nos sumamos a:

  • a concentración convocada en a Plaza Espanya a las 23.30 d’o día 7 pa prencipiar o día 8 devantando a voz.

  • Un aturo laboral y un aturo de cudiaus o día 8 de marzo de 12:00 a 12:30. Allá an siamos, bien sía en o treballo, fendo a birolla u consumindo, aturaremos pa fer vistero que si nusatras paramos, no se mueve o mundo.

  • A manifestación a las 19:00 en a Glorieta Sasera pa reivindicar os nuestros dreitos y a eliminación d’a desigualdad. Si quiers venir con nusatras, nos trobaremos en l’aturada d’o bus d’o Corte Ingles a las 18.45.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies