O grupo municipal de Zaragoza en Común proposa revisar todas as etapas de chestión d’a sociedat municipal, planteyando a comparecencia d’os presidents y vicepresidentes actuals y anteriors, asinas como d’o gerente d’Ecociudad y d’a representación sindical d’os treballadors de la planta de recuperación d’auguas y d’a estación depuradora de l’Almozara.
O portavoz d’o Grupo Municipal de Zaragoza en Común, Pablo Muñoz, tresladará maitín en a reunión d’a Chunta de Portavoces a necesidat d’ampliar l’obchecto d’a Comisión d’Investigación d’Ecociudad, solicitada por PP, PSOE y Ciudadans.
En o mesmo sentiu que ya se manifestó en o zaguer Pleno Municipal, Muñoz proposará que tamién s’investiguen as responsabilidatz politicas derivadas d’as actuacions enchegadas por os succesivos Gubiernos de Zaragoza y por os anteriors presidents d’Ecociudad S.A.U (antes Ecociudad Valdespartera). Dende Zaragoza en Común se proposa estudiar as chestions realizadas dende l’encieto d’os trámites d’o contracto “Asistencia material pa la prestación de quefers incluius en a operativa diaria de la planta de recuperación d’augua y a estación depuradora l’Almozara de Zaragoza”.
Zaragoza en Común solicitará as comparecencias d’o president y vicepresidenta actuals, asinas como o president y vicepresidentes activos en o momento de l’encieto d’o contracto antes mencionau y en o momento d’o cambeo d’actividat d’a sociedat. Amás, se proposa a presencia d’o Gerente d’Ecociudad S.A.U. y d’a representación sindical de la planta de recuperación d’augua y a estación depuradora de l’Almozara.