Una delegación d’o Ret Municipalista contra a Deuda ilechitima y los Retalles, conformada por representants municipals de Zaragoza, Cádiz, Oviedo y Badalona, eurodiputados de Podemos y activistas, ha presentau iste maitín o Manifiesto d’Oviedo en o Parlamento Europeu y ha reclamau a fin d’as politicas austericidas imposadas a os concellos.

Luisa Broto, Ana Taboada, vicealcaldesa d’Oviedo, José Téllez, tenient alcalde de Badalona y o Concejal de Ficienda de Cádiz, David Fernández, han participau chunto a os eurodiputados Miguel Urbán y Tánia González Penyas en un acto de presentación d’o Manifiesto d’Oviedo en o Parlamento Europeu, organizau por Podemos. Allí han denunciau as politicas d’austeridat que son afogando a un gran numero de municipios y han reclamau solucions debant d’as leis, como a Lei Montoro, que obstaculizan u impiden a os concellos realizar politicas de creyación d’emplego u incrementar o gasto social.

Broto ha qualificau a trobada de “necesario pa articular alianzas entre os municipios, primera linia de ficacio a os ciudadans y que manimenos son os que mas son sufrindo as politicas que limitan dreitos” y ha manifestau que “amás d’a normativa tamién cal tener en cuenta a obligatoriedad moral y etica d’atender a os nuestros vecins”.

Un frent d’emparo común contra l’austeridat y por una financiación chusta d’os municipios

O Manifiesto d’Oviedo, lanzau en octubre de 2016 y sinyau por mas d’1.000 cargos electos y mas de 140 agrupacions municipals y movimientos socials de tot o Estau Espanyol, exiche un cambeo radical d’a politica d’asfixia financiera aplicada por o Gubierno d’Espanya enta Concellos y Comunidatz Autonomas, a derogación de l’articlo 135, d’a Lei d’Estabilidat Presupuestaria y Sostenibilidad Financiera y d’a Lei de Racionalización y Sostenibilidad de l’Administración Local, a

devolución por parte d’os bancos d’os intréses abusivos cobraus y o cese immediato de los retalles y l’austeridat, revirtiendo as suyas conseqüencias, identificando a os suyos culpables y indemnizando a las suyas victimas.

Pa ixo, as personas y organizacions firmantes se comprometen con a creyación d’un frent común d’emparo mutuo entre administracions locals y autonomicas que cuestione a deuda ilechitima, que treballe pa la suya anulación y que permita trobar financiación lechitima pa guarenciar a la ciudadanía dreitos economicos, socials, culturals, civils y politicos.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies