A consellera de Dreitos Socials Luisa Broto ha presentau o Documento Zero d’o primer Plan Municipal de Luita Contra a Pobreza Infantil d’o Concello de Zaragoza con mas de 150 actuacions dirichidas a la infancia y a la familia con l’obchectivo que a pobreza no sía bella cosa que pase de pais a fillos. Ye un plan a 4 anyos a desembolicar entre 2017 y o 2021,

Ista iniciativa, que conta con un presuposau de 900.000 euros pa 2017, estió una propuesta de resolución presentada por Zaragoza en Comuna en o pasau debat d’o estau d’a ciudat y contó con l’emparo de totz os grupos a excepción d’o PP que s’abstenió.

En Aragón, un 26% d’os ninos y ninas viven en situación de pobreza y exclusión y quasi un 12% lo fan en situación de pobreza severa. Pobreza y exclusión social son fenomenos diferents que responden a distintas causas. Mientres que a pobreza se restrinche a la carencia de recursos materials y/u economicos , a exclusión integra tamién as condicions laborals, a reconoixencia d’a ciudadanía, os deficits formativos, as situacions sociosanitarias mas desatendidas u a inexistencia de retz de protección social y familiar.

O Plan Municipal de Luita Contra a Pobreza Infantil aborda respuestas a la exclusión, centrar en a cheneración de retz y de recursos comunitarios que compensen os factors d’exclusión dende o reforzo de l’ambito familiar ya que a pobreza infantil ye en gran medida una pobreza heredada, transmitida de pais a fillos y producto d’o sistema capitalista que sufrimos.

O Plan ye fruto d’un diagnostico elaborau por 10 tecnicos municipals que han charrau con distintos achents socials y que han contau con muitas visiones, entre atras, as d’os ninos y ninas que participan en os centros de tiempo libre municipals. Iste documento será presentau a o Consello Sectorial d’Acción Social, a responsables d’arias municipals y a profesionals de l’aria de Dreitos Socials. Dimpués de replegar as suyas aportacions, habrá d’estar aprebau por a Comisión de Dreitos Socials y finalment levau a o pleno antes de verano (chunio u chulio).

O Plan Municipal de Luita Contra a Pobreza Infantil tiene mas de 150 medidas,entre el qual destacan:

  • Ampliar os conceptos de las aduyas d’urchencia y establir atras pa que as familias puedan acceder a recursos terapeuticos (terapia de familia, logopedia, ficacio temprano…), a actividatz d’emparo educativo y a actividatz extraescolares, culturals y esportivas.
  • Creyar Espacios Familiars en totz os vicos, como puestos comunitarios atendius por profesionals, an poder solicitar una orientación, discutir una dificultat, compartir pautas y experiencias de crianza… Istes espacios disposarán de de Escuelas d’Habilidatz Marentales y Parentales en totz os vicos.
  • Modificar os baremos d’acceso a las Escuelas Infantils Municipals y o sistema de becas pa facilitar l’acceso a las familias con menos recursos.
  • Promover un ret d’emparo y reforzo escolar pa aprevenir o fracaso escolar y l’abandono escolar temprano
  • Promocionar a salut mental, a salut sexual y reproductiva, d’os y as adolescentes.
  • Realizar un mapa d’as entidatz socials que treballan en l’ambito d’a infancia que meta en valor y permita ordinar as accions que son realizando as entidatz socials, colectivos y grupos de ciudadanos/as d’a nuestra ciudat, con a finalidat d’amillorar a vida d’as familias y reducir a pobreza.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies