Hue 30 de marzo se celebra o Día Internacional d’as Treballadoras d’o Fogar y Zaragoza en Común se quiere sumar a las asociacions d’emplegadas d’o fogar que reivindican os suyos dreitos y critican a invisibilidad d’o suyo treballo.

Iste sector ha amillorau dimpués d’o suyo inclusión en un sistema especial dentro d’o Rechimen Cheneral d’a Seguranza Social en 2011, pero ista actuación no as equiparó con a resta d’as treballadoras por cuenta ajena, por la qual cosa sufren una serie de discriminacions que amenesten estar revertidas. Entre ellas queremos destacar l’ausencia d’amparo d’a inspección de treballo, porque se considera que o fogar ye privau y o Estau no puede dentrar en os domicilios, a falta de dreito a l’aturo, a no reconoixencia d’as suyas lesiones en o treballo como accidents laborals y o no tener dreito a la sindicalización ni a convenio colectivo.

En Zaragoza i hai entre 9.000 y 10.000 mullers dadas d’alta como emplegadas d’o fogar, pero somos charrando de l’emplego con mayor economía capuzada, ya que a suya inclusión en o sistema depende d’a voluntat de l’empleador y l’actuación d’as achencias de colocación no son siempre lo garantistas que hesen d’estar con os dreitos d’as mullers que treballan en o sector, asumindo treballo sin contracto u con salarios por baixo d’o que estableix a normativa.

A situación d’as emplegadas de fogar mete de manifiesto bella cosa que dende os movimientos feministas se ye denunciando y ye que existe una desvalorización d’o treballo de cudiaus, pensada pa sostener os privilegios de l’orden patriarcal a costa d’a nuestra precariedad y que ye en la base d’a brecha salarial y d’a discriminación laboral.

Por ixo, dende l’anyo 2013 os colectivos d’emplegadas de fogar s’han uniu en “o Grupo Turin” pa exichir que o Gubierno espanyol ratifique o convenio 189 d’a OIT, que constituye una solida reconoixencia d’a valor economica y social que tiene o treballo domestico y de cudiaus y un clamau a l’acción pa meter fin a las exclusiones d’el qual son obchecto as treballadoras y os treballadors domesticos en os ambitos de protección laboral y protección social.

Zaragoza en Común creye necesaria ista equiparación por o que se suma a ista reclamación y presentará maitín una moción en o Pleno d’o concello en iste sentiu.

Reconoixer l’aportación d’o treballo domestico a la economía y equiparar os dreitos d’as treballadoras a os d’o rechimen cheneral d’a Seguranza Social, son un quefer basico y posible pa aconseguir a igualdat de chenero en o mundo d’o treballo.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies