Gracias a o Programa d’Estalbio Enerchetico enchegau en 2015, hemos aconseguiu que entre 2016 s’haiga reduciu quasi en un 4% o consumo enerchetico d’o municipio, la qual cosa implica una reducción d’as emisiones de CO2 d’1.719 toneladas.
 
Asinas, dende a dentrada en o gubierno d’a ciudat, ya hemos aconseguiu reducir quasi un 10% o gasto enerchetico total, un 5,67% as emisiones de CO2 y en cambeo, hemos incrementamos en un 5% o consumo d’enerchías renovables. Isto nos sitúa en menos dos anyos a meyo camín d’aconseguir l’obchectivo de reducir o consumo un 20% antes de 2020.
 
Habendo invertiu 190.00 euros, cabidamos a os vecins y vecinas d’a ciudat 724.493,61 € en iste 2016. Ye dicir, por cada euro invertiu recuperamos 3,8. Pa iste 2017 hemos achugau por cuadruplicar a inversión dica os 800.000 euros destinaus a medidas como l’actualización d’equipos de climatización en edificios, a modificación d’o tipo de combustible utilizau pa calefacción en quantos equipamientos municipals y centros escolars (pasando de gasoil a gas natural u biomasa), a reducción de potencias u a sustitución de luminarias.
 
Amás, cal sumar o estalbio que se provoca  o nuevo contracto d’enerchía electrica que va a permitir cabidar 3 millons anuals amás d’establir que a enerchía suministrada será 100 % procedent d’enerchías renovables. Iste contracto ye de dos anyos ya que ye previsto que a o suyo finalización se pueda adquirir a enerchía dreitament en a subasta electrica prescindiendo d’intermediarios.

A Concellera de Medio Ambient, Teresa Artigas,  enmarca todas istas accions dentro d’una d’as prioridatz d’o Gubierno de Zaragoza en Común como ye ” la luita contra o cambeo climatico” con o plan empentau en todas as arias y edifios municipals como ye o “Obchectivo 20-20. Plan Global d’Estalbio Enerchetico y de Reducción d’Emisiones” en cumplimiento d’o Pacto d’Alcaldes suscrito en 2011 de reducir un 20% d’emisiones en l’anyo 2020 y o cumplimiento de l’Alcuerdo de París de luita contra o cambeo climatico.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies