En a disposición adicional 27 d’os presuposaus d’o estau, Montoro y Rajoy continan en a estratechia d’ataque a l’autonomía municipal, concretament ista vez, a os procesos de remunicipalización que hemos emprendiu en numerosos concellos que cuestionamos que as grans contratas chestionen os servicios publicos esencials.

Debant de l’empente d’os concellos d’o cambeo, Rajoy y Montoro reaccionan intentando legislar en contra d’ixes procesos, la qual cosa contrimuestra que sí ye posible remunicipalizar servicios cómo somos planteyando.

Ista disposición adicional se titula “limitacions a la encorporación de personal laboral a o sector publico” y en ella se sinyala que con a dentrada en vigor d’a lei de presuposaus, y con una vichencia indefinida, as administracions publicas no podrán considerar como emplegaus publicos ni incorporar-los a ista condición a os treballadors d’as contratas en finalizar o contracto u si se produz un rescate. Isto implica que os treballadors perderían o dreito a la subrogación que tienen reconoixida por a normativa laboral si o servicio se chestiona dende lo publico.

En os suposaus, excepcionals seguntes o texto, en el qual o personal sía incorporau a sociedatz mercantils publicas, se contabilizarán como personal de nuevo ingreso d’o cómputo d’a taxa de reposición d’efectivo, la qual cosa imposibilita legalment que se pueda municipalizar garra contrata con un numero de personal elevau, ye dicir, beneficiando a las grans contratas.

Precisament ixas grans contratas, as mesmas que han estau implicadas en numerosos casos de corrupción, han aconseguiu que o Partiu Popular usando o BOE esfienda os suyos intréses y tracte d’impedir que se siga devolviendo a la chent servicios que nunca habioron d’estar privatizaus ta beneficio d’uns pocos.

D’ista traza, hemos pediu a Unius Podemos y a la resta de candidaturas d’o cambeo organizar-nos pa fer frent a iste nuevo ataque contra os concellos.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies