Conoixer en profundidat a situación d’as politicas de rehabilitación enerchetica empentadas en os zaguers anyos y os resultaus obtenius, asinas como meter en común as estratechias que as Administracions publicas son seguindo en ista materia pa abordar o suyo futuro como fuent d’emplego y como generador d’un nuevo modelo de ciudat mas sostenible. Con istes obchectivos, o Concello de Zaragoza ha organizau  a ‘Chornada sobre Rehabilitación enerchetica y a suya impacto en a creyación d’emplego’, en el qual han participau diversos expiertos y profesionals d’Aragón y d’atros puntos d’Espanya, chunto a responsables de Zaragoza Vivienda, Gubierno d’Aragón y Colechio Oficial d’Arquitectos d’Aragón, entre atros.

Arantza Gracia, ha sinyalau que o Concello de Zaragoza entiende a rehabilitación enerchetica “como una ferramienta que abarca una doble vertiente: cubrir una necesidat social dende un punto de vista de sostenibilidad meyoambiental”.

D’iste modo, Gracia ha subrayau a voluntat de “apostar por o desembolique local, baixo o modelo de desembolique humano, que prioriza que se cubran as necesidatz socials frent a la mera obtención de beneficio economico”.

Queremos un desembolique sostenible social y medioambiental que chenere mayor y millor riqueza y la reparta equitativament. Un desembolique equilibrau que camine en función d’as nuestras necesidatz y no que nos obligue a adaptar a realidat social a la economía. Queremos que a persona torne a estar o centro d’a economía”, ha indicau a concellera.

En sesión de maitín y tarde, s’han succediu as ponencias y mesas redondas, en el qual s’ha analisau dica qué punto s’han cubierto as expectativas d’absorción y reorientación d’o mundo d’a construcción, dimpués d’o pinchazo d’a burbuja immobiliaria; qué tipo d’emplego se ye chenerando en iste ambito, con especial ficacio a la precarización y subcontratación d’o sector; s’ha meso en relación a os achents de l’entorno pa empentar sinergias que potencien as iniciativas privadas de rehabilitación con eficiencia enerchetica; y s’han dau a conoixer experiencias d’atros territorios que podesen tresladar a Zaragoza, asinas como casos de buenas practicas en a capital aragonesa.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies