Debant d’os gravísimos feitos que son succedendo en o estau espanyol y que tienen a o PP como protagonista con os casos de corrupción y a manipulación d’as institucions como a Fiscalía Cheneral u a Fiscalía Anticorrupción pa tapar ixes casos, hemos decidio presentar una moción d’urchencia ta que pueda debatirse en o pleno en a tarde d’iste viernes.

Seremos muit atentos a veyer qué opina y que vota o Partiu Popular de Zaragoza.

Texto integro d’a moción:

EXPOSICIÓN DE MOTIVOS

Por medio d’auto d’o Chudgau d’Instrucción nº 5 de l’Audiencia Nacional de calendata 19 d’abril, o President d’o Gubierno Mariano Rajoy estió clamau a declarar como testigo por o denominau Caso Gürtel. Seguntes l’auto, ista citación se produz por que o Partiu Popular, procesau por ixe caso “se negó a amprar garra declaración respective a os feitos”.

A resultas d’ixa citación y de posteriors actuacions chudicials y de fiscals, hemos dentrau en una situación insostenible pa Mariano Rajoy y o Partiu Popular en el qual cada día amaneixen nuevos investigaus, detenius, querellados u procesaus relacionaus con o Partiu Popular u con as interpresas corruptoras d’os primers.

Asinas, se detenió y ingresó en prisión Ignacio González, expresidente d’a Comunidat de Madrit, encetar un procedimiento, o clamau Caso Lexo, que afecta a mas de 60 personas entre ellas familiars d’o propio Ignacio González, a l’exministro d’Aznar Eduardo Zaplana, a o president d’Inassa, a filial d’a Canal d’Isabel II pa Sudamérica, Edmundo Rodríguez Sobrino u a l’exviceconsejero de Presidencia d’a Comunidat de Madrit Alberto López Viello. Os encausados lo son estando por delitos de malversación, organización criminal, cohecho, falsedad documental, emblanqueixco de capitals, prevaricación y fraude relacionaus con a chestión d’a Canal d’Isabel II.

Tamién i hai habiu rechistros y actuacions contra interpresas como a constructora OHL, Indra u PricewaterhouseCoopers y os suyos directivos como o de l’interpresario Villar Mir u Javier López Madrit, de qui s’investiga si pagoron 1,4 millons d’euros en mosegadas a Ignacio González y a o PP en o caso d’OHL u si financió a o PP con 700.000 euros en o caso d’Indra.

Mesmo o Partiu Popular, Carlos Floriano, ha reconoixiu que conoixeba a existencia d’una cuenta en Suiza d’Ignacio González pero que no lo levó a la chusticia.

Si a corrupción ye un feito gravísimo, os intentos d’ocultarla u de dar emparo a las personas implicadas dende as institucions d’o estau, ye bella cosa que cuestiona os fundamentos mesmos d’o estau de dreito y de l’arquitectura institucional.

Especialment alarmant l’uso que o PP ye fendo d’a Fiscalía y d’a Fiscalía Anticorrupción, con maniobras pa obstaculizar y impedir l’actuación d’os fiscals encargaus de determinadas causas chudicials por delitos relacionaus con a corrupción.

O Fiscal Chefe d’a usina Antocorrupción, Manuel Moix, intentó impedir que se prorrogaran las escuitas a os investigaus brenca mas plegar a o suyo cargo en febrero y intentó que no tenese puesto un d’os rechistros planteyaus. Os fiscals que levan 18 meses investigando iste afer habioron d’invocar l’articlo 27 d’o estatuto d’a Fiscalía pa convocar a chunta de fiscals Anticorrupción, an a mayoría s’oposó a la orden d’o suyo chefe, y emparó a practica d’o rechistro.

Moix tamién ha intentau apartar a o fiscal d’o Caso Lezo, Carlos Iáñez, pedindo-le que renuncie a la suya plaza en Madrit y torne a o suyo puesto en Granada, bella cosa a o que Iáñez s’ha negau.

Pa istas actuacions Moix ha contau con l’aval d’o Fiscal Cheneral d’o Estau, José Manuel Maza; o mesmo que impidió que o Ministerio Publico acusase a l’ex president d’a rechión de Murcia Pedro Antonio Sánchez, en contra d’a opinión d’os fiscals d’o caso, que sí veyeban motivos pa la imputación. Y o que substituyó a os fiscals encargaus d’o denominau “caso d’o tres por ciento.

No deixa d’estar curioso, que, como figura en os autos, dos d’os investigaus, González y Zaplana, se mandoron SMS en el qual dicen que han charrau con o Ministro de Chusticia pa “colocar en a fiscalía Anticorrupción a un tipo serio y bueno que se dir Moix”. O mesmo Ministro de Chusticia, Rafael Catalá, que manda emparo a o mesmo Ignacio González con un mensache “Gracias Nacho. Un fuerte abrazo. Sisquiera se zarren luego os líos”.

Asinas mesmo, a investigación descubrió a existencia un posible chivatazo ya que cambioron as pautas de comportamiento d’os hue detenius, saber que i habió una reunión d’o chirmán d’Ignacio González, Pablo González, con o secretario d’Estau de Seguranza y numero 2 d’o ministerio d’Interior, José Antonio Nieto.

Ni as actuacions d’a Fiscalía, ni as d’os Ministros de Chusticia y d’Interior han suposau garra reproche por parte de Mariano Rajoy en a suya eterna actitut d’amagar a cabeza como ha feito dende que ye President d’o Partiu Popular y no fer absolutament brenca pa luitar contra a lacra d’a corrupción en el qual o suyo partiu ye o maximo protagonista.

Por tot ixo, o Grupo Municipal de Zaragoza en Común presentamos pa o suyo debat y aprobación a siguient

MOCIÓN D’URCHENCIA:

O pleno d’o Concello de Zaragoza refusa rotundament os comportamientos contrarios a la minima etica politica que se vienen conoixendo en relación a o denominau caso Lezo: tanto os presuntos casos de corrupción como l’uso d’a Fiscalía Anticorrupción y d’atras institucions d’o estau pa entorpecer as investigacions.

Asinas mesmo, censura l’actitut de Mariano Rajoy y d’o conchunto d’o Gubierno d’Espanya por no responder contundentment debant d’iste tipo de situacions y le exiche a reprobación d’o Fiscal Cheneral d’o Estau por l’incumplimiento reiterau d’as suyas obligacions.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies