Teresa Artigas ha compareixiu debant d’os medios de comunicación antes d’a suya dentrada a la Comisión d’Investigación d’Ecociudad.

Artigas ha definiu a Comisión como un “circo que no pretende esclarir a verdat por o bloqueo de PP, PSOE y Ciudadans” y  ha aportau nueva documentación que respalda a tesi que as milloras d’a contrata encargada d’a depuración heban d’haber pasau por o Consello d’Administración. Asinasmesmo, ha presentau una propuesta de medidas de transparencia y calidat, pa aprevenir casos de corrupción, y amás un informe de chestión participativa de l’augua proposau por a Fundación Nueva Cultura de l’Augua.

Respective a las milloras, dimpués de todas dos declaracions d’o viernes pasau, que dentroron en contradicción, una d’o letrado externo d’a sociedat Ecociudad, y unatra de funcionarios d’o Concello, se solicitó un informe a l’órgano de contratación competent pa cambiar as milloras d’a contrata d’a depuradora. Artigas ha explicau que “l’asesor d’Ecociudad planteyaba que podeba estar o propio Gerente, mientres que os tecnicos municipals planteyaban que heba d’estar o Consello d’Administración como órgano de contratación”. a concellera ha informau que ixe mesmo viernes encargó un informe a l’Asesoría Churidica municipal, como maximo órgano competent en istes temas dentro d’o Concello. “En l’informe s’indica que o cambeo de milloras no podeba estar en garra caso una decisión unilateral d’o Gerente sino que heba d’haber estau sozmetida a l’aprobación d’o Consello d’Administración”.

“Como o gerente, Miguel Ángel Portero, en a suya comparecencia indicó que heba informau a la suya superioridat, en ixe momento Carlos Pérez Anadón y Juan Alberto Belloch, como vicepresidente y president d’a sociedat Ecociudad respectivament en aviento de 2014”. “Dica que no compareixcan os anteriors responsables politicos no plegaremos a conoixer a verdat sobre Ecociudad”, ha sinyalau Artigas.

Programa Compliance y propuesta de chestión participativa de l’augua d’a FNCA

En unatro orden de cosas, Artigas tamién ha informau que ha remitido iste mesmo maitín a o gerente d’a sociedat un escrito pa que s’estudee a posibilidat d’implantar en Ecociudad os programas Compliance, sistemas de buenas practicas pa privar que se cometan delitos en o sino d’a sociedat. Istes sistemas de calidat ya son implantaus en a interpresa privada y en qualques administracions publicas y, en parolas d’a concellera “creyemos que puede servir a futuro”.

“Asinasmesmo -ha concluiu Artigas-, he solicitau a Ecociudad y a la resta de servicios que treballan en a chestión de l’augua que estudeen a posibilidat d’implantar un sistema de medidas propuestas por a Fundación Nueva Cultura de l’Augua sobre trasparencia, participación y rendición de cuentas d’a chestión urbana de l’augua ya que a la fin ye dende allí, dende an se pueden aprevenir situacions de posible comisión de delitos u corruptelas”.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies