Iste maitín, Pedro Santisteve y a resta de l’equipo de gubierno (con l’ausencia d’Elena Giner que acaba d’estar mama y por o qual nos felicitamos), han feito o balance d’a primera metat d’a lechislatura.

Encara que queda muito por fer, somos orgullosos que se reconoixca a o concello como una institución cercana, que cudia d’os vecins y que funciona como una segunda piel, debant de situacions de desamparo, como a perda d’una vivienda, a pobreza enerchetica, a pobreza infantil u as dificultatz d’acceso a la practica esportiva. a inversión en gasto social por habitant ha situau por primera vez a Zaragoza entre as tres ciudatz espanyolas que mas presuposau destina a istas politicas

Amás, o modelo de ciudat cercano, proximo y sostenible que proposamos prencipia a desembolicar y a dar os suyos frutos publicos que empecipian ya a estar percibidos por a ciudadanía: achuga por a ciudat consolidada con inversions en os barrios y urbanismo d’as cosetas sencillas con a enchegada d’a operación baldosa, mobilidat sostenible consolidando a bicicleta como senya d’identidat y achugando por o transporte limpio y de gran capacidat y luita contra o cambeo climatico con cambeos en a chestión d’a enerchía, empento a l’agroecolochía amás d’os avances en mobilidat que hemos dito.

Asinas mesmo hemos treballau fundament por a guarencia y defensa d’os servicios publicos y a defensa d’as remunicipalizacions y a obridura d’a participación ciudadana, con os primers presupuestos participativos u a esleción directa de vocals en os barrios rurals.

En cultura, o cambeo de modelo d’as fiestas d’o Pilar y a reconoixencia d’atras ciudatz espanyolas a o modelo cultural y as diferents estratechias arredol a la danza u o libro que se son exercendo.

Pedro Santisteve ha destacau os grans acuerdos aconseguius en istes dos anyos con institucions y gubiernos de diferents signos politicos, pa solucionar problemas atascados entre decenios y que suposan un beneficio pa totz y todas as zaragozanas: a Lei de Capitalidat, a cesión de l’Avda. Catalunya, o zarre de l’Avda. Tenor Fleta u a inversión en os barrios rurals, fruto d’o convenio sinyau con a Diputación Provincial de Zaragoza en a busca d’ixes consensos y acuerdos que beneficien a la ciudat.

 

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies