En una reunión de l’alcalde de Zaragoza Pedro Santisteve y d’o Consellero d’Economía Fernando Rivarés con achents socials: empresarios, sindicatos, asociacions de vecins y asociacions de consumidors (CEOE, Camera de Comercio, UGT, CC.OO, OSTA, Federación de Barrios, Unión Vecinal Cesaraugusta, UCA Aragón, UPTA,  ATA Aragón, Asociación de Chovens Interpresarios, AICAR-ADICAE, Asociación d’Interpresa Familiar Aragón y Asociación Consumidors Torre Ramona)  s’ha conoixiu que Zaragoza complirá con o requirimiento d’entrega d’o padrón que DGA ha feito previa a la suya reclamación por vía chudicial. Asinas mesmo, s’ha  anunciau que se van a interponer dos nuevos recursos administrativos contra o cobro d’iste inchusto impuesto.

Asinas mesmo, Rivarés ha anunciau que o concello prencipiará una campanya institucional pa informar a toda a población sobre iste impuesto y o que suposa.

Dica a calendata ya s’heban presentau un recurso contencioso administrativo por parte d’o Concello de Zaragoza y unatro presentau por 50 deputaus de Podemos e Izquierda Unida debant d’o Tribunal constitucional. Mientres no resueltan, Zaragoza ha de complir legalment con a norma establida. Cal recordar que PP y PSOE impidioron con os suyos votos que estase o propio concello o que presentase recurso d’insconstitucionalidad y calió recurrir a que lo presentasen os deputaus de dos d’as formacions que componen Zaragoza en Común.

Asinas mesmo, os votos de PP. PSOE y PAR tamién estioron decisivos pa que as Cortesde Aragón no bonificasen l’impuesto a os vecins y vecinas de Zaragoza a o 99% como heban solicitau Podemos e Izquierda Unida.

Ixo no implica que renunciemos a seguir peleyando contra iste imposau concebiu pa poder pagar o desmesurau y irracional plan de depuración d’as auguas d’Aragón, sobre el qual pesa una enorme sospeita de corrupción d’as suyas gestores, o PAR, y os suyos socios en diferents gubiernos que l’han permitiu u tapau. O plan de saniamiento será investigau en as Cortz d’Aragón dimpués de conoixer un informe d’o Tribunal de Cuentas que zifra en 587 millons o coste pa os zaragozans y zaragozanas en os proximos 20 anyos.

Amás de cobrar por bella cosa que ya se ye pagando (a depuración d’auguas) con unas depuradoras construidas y mantenidas integrament con diners d’os vecins y vecinas de Zaragoza, o cobro de l’ICA viene a romper con a politica tributaria y progresiva que o recibimiento de l’augua tiene en a ciudat, la qual cosa fa encara mas inchusto este impuesto.

En a reunión s’han tractau tamién atros temas como l’emplego u a situación d’as cuentas d’a ciudat. Totz os achents socials, fueras d’a CEOE, s’han amostrau favorables a os procesos de remunicipalización.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies