A Lei Montoro y a disposición 27 d’os Presupuestos Chenerals d’o Estau, que o PP quiere aprebar, imposan austeridat, retalles y impide a municipalización y recuperación d’os servicios publicos.
Se tracta d’un grieu ataque a l’autonomía local, que amás blinda os beneficios d’as interpresas privadas. Por ixo, ahiere alcaldes y concejales y concejalas de Madrit, Barcelona, Valencia, Zaragoza, Coruña y Terrassa se reunioron en o Congreso d’os Deputaus con os grupos parlamentarios d’Unius Podemos, Compromís, ERC, PDCAT y PSOE, pa emplazarles a refusar ista disposición adicional.
A disposición adicional 27 se titula “limitacions a la encorporación de personal laboral a o sector publico” y en ella se sinyala que con a dentrada en vigor d’a lei de presupuestos, y con una vichencia indefinida, as administracions publicas no podrán considerar como emplegaus publicos ni incorporar-los a ista condición a os treballadors d’as contratas en finalizar o contracto u si se produz un rescate. Isto implica que os treballadors y treballadoras perderían o dreito a la subrogación que tienen reconoixida por a normativa laboral si o servicio se chestiona dende lo publico.
En os supuestos, excepcionals seguntes o texto, en os quals o personal sía incorporau a sociedatz mercantils publicas, se contabilizarán como personal de nuevo ingreso d’o cómputo d’a taxa de reposición d’efectivo, la qual cosa imposibilita legalment que se pueda municipalizar garra contrata con un numero de personal elevau, ye dicir, beneficiando a las grans contratas.
Quieren arrasar con tot, pero entre todas les imos a aturar.