En o marco d’a Estratechia de reducción d’emisiones 20/20, Teresa Artigas, y o portavoz d’o grupo municipal de Chunta Aragonesista, Carmelo Asensio, han presentau hue en rueda de prensa quatro nuevas instalacions solars.

Tres d’os paneles, que s’instalarán en cubiertas d’equipamientos municipals, funcionan con tecnolochía fotovoltaica, pa la producción d’enerchía electrica. Ye prevista a suya colocación en o quartel de Policía Local d’a Paz, en l’edificio de Vialidad (en Vía Hispanidat) y en o Centro Esportivo Municipal Sieglo XXI. Asinasmesmo, se va a adquirir una placa hibrida, que combina a tecnolochía fotovoltaica con a termosolar, con l’obchectivo de, amás d’obtener enerchía electrica limpia, calentar augua con os rayos d’o sol. Ista zaguera se colocará en o Parque de Bomberos nº1. a inversión total ye de 200.000 euros, con un coste aproximau de cadaguna d’istas instalacions de 50.000 euros.

Ista partida de 200.000 euros forma parte d’un conchunto d’esmiendas de CHA a os Presupuestos de 2017 “destinadas a luitar contra o cambeo climatico, fomentar a eficiencia enerchetica y achugar por o desembolique sostenible”, como todas dos partidas destinadas a empentar as azoteas verdas en equipamientos y viviendas municipals con una valor total de 300.000 euros, os 430.000 destinaus a o Prochecto Agros y os 500.000 pa empentar a replegada selectiva de residuos organicos.


Ista actuación privará que se produzcan y s’emitan a l’atmosfera 85 toneladas de CO2 a l’anyo. Asinasmesmo, ye previsto que l’amortización economica d’istes equipamientos se cubrirá en 7 anyos.

Como Teresa Artigas ha recordau, istas accions s’enmarcan en o Plan Global d’Estalvio Enerchetico y de Reducción d’Emisiones, una fuella de ruta transversal a todas as areas d’o Concello y que sitúa la luita contra o cambeo climatico entre as prioridatz d’o Gubierno municipal.

Zaragoza tiene un obchectivo global de reducción d’emisiones en un 20% pa l’anyo 2020 tal como se comprometió en o Pacto d’Alcaldes” (suscrito en abril de 2011). “Nos trobamos debant d’un reto colectivo de cara a las cheneracions futuras –ha recalcado Artigas- pero, amás, iste estalvio en emisiones levará con ell un estalvio economico important pa las personas que habitan en Zaragoza y pa las arcas municipals”.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies