Iste maitín, Pedro Santisteve y Teresa Artigas s’han reuniu con representants de l’Asociación Provincial de l’Auto Taxi de Zaragoza (APATZ) pa emparar as reivindicacions d’o sector. O Taxi ye un servicio publico y o modo de vida de milars de familias.

Hemos presentau una moción a o Pleno Municipal de maitín pa exichir a o Gubierno d’Aragon no solament colaboración, sino tamién respecto a las competencias locals en materia de mobilidat, antes de conceder 260 licencias de VTC, porque pensamos que l’impacto de todas ixas nuevas licencias en o sector d’o taxi sería muit grieu.

En Aragón i hai una important peticion de licencias de VTC que no se corresponde con la demanda real y que disfrazan d’economía colaborativa o que ye privatización, explotación laboral y desregulación d’un sector.

Manifestamos tot nuestro emparo a iste servicio afectau por un modelo economico depredador y por ixo presentamos a siguient moción:

“Entre os anyos 2013 y 2015 distintas interpresas que operan con VTC (Vehíclos Turismo con Conductor) solicitoron unas 260 nuevas licencias. Actualment en o caso de conceder istas licencias suposarían una seria menaza pa o sector d’o taxi en a nuestra ciudat, amás d’un abance en a precarización d’as condicions de treballo en tot ixe sector.

Existe un risgo real de desaparición d’o sector tal como lo conoixemos, la qual cosa conllevaría a perda d’a capacidat y autonomía municipal de controlar-lo y regularlo a o servicio de l’intrés publico, antiparte d’ocasionar perjuicios economicos y laborals a o colectivo profesional de taxistas, chenerando una inseguridat churidica en as inversions que, pa obtener licencia, han habiu de fer.

Seguntes o Real Decreto 1211/1990, de 28 de setiembre, por el qual s’apreba o Reglamento d’a Lei d’Ordinación de los Transportes Terrestres., s’entiende que i hai desequilibrio contra o colectivo de taxistas, y procedería a la denegación de nuevas licencias d’arrendamiento de vehíclos con conductor, quan a ratio entre istes y o de licencias de taxis sía 1 a 30.

Actualment i hai unas 183 licencias VTC operando en Aragón, unas 133 d’ellas en Zaragoza, mientres que existen unas 1777 licencias de taxis, en una ratio d’1 a 13 aproximadament, la qual cosa ya incumple o mencionau reglamento. Caso que o Gubierno d’Aragón concedese ixas 260 nuevas licencias seríanos charrando de ratios arredol d’1 a 5, en un momento que, encara que prencipia a repuntar o sector d’o taxi, se considera que i hai un numero alto de licencias ya en a ciudat.

O RD 1057/2015, actualment en vigor, eliminó a competencia a os concellos d’emitir informe sobre a procedencia d’atorgar licencias a las VTC en relación a o numero de taxis, si bien dita reforma ye posterior a la petición d’as licencias; por o que entendemos que o Gubierno autonomico teneba obligación de requerir informe d’o Concello sobre as afecciones que a concesión d’istas licencias podese tener sobre o servicio de taxi y sobre o sistema de mobilidat en cheneral. Ista consulta no s’ha produciu dica a calendata, estando de vital importancia pa que o concello faiga valer, mesmo chudicialment si ye pertinent, as suyas competencias en materia d’ordinación d’o a mobilidat urbana.

A posición de quantas institucions, como os gubiernos autonomicos d’Asturias, Madrit y Cataluña u os concellos de Madrit y Barcelona ha estau a defensa churidica d’o sector d’o taxi y contra a vulneración de normas d’as VTC privando a competencia desleyal que bella interpresa con servicio de VTC ye practicando. En relación a ixo, l’advogau cheneral d’a Unión Europea acaba de concluir que iste tipo d’interpresas son interpresas de transporte y como tals, os suyos conductors pueden estar obligaus por os gubiernos europeus a disposar d’as mesmas licencias y autorizacions pa exercer a suya actividat a el qual s’obliga a os taxistas.

Por tot ixo, o Grupo Municipal de Zaragoza en Común presentamos pa o suyo debat y aprobación a siguient

MOCIÓN:

O Pleno d’o Concello de Zaragoza

  1. Refusa a concesión de nuevas licencias pa VTC.
  2. Insta a o Gubierno de Zaragqza a tomar as medidas churidicas necesarias pa refusar a concesión de nuevas licencias de VTC, defensa d’o sector d’o taxi como servicio publico que ye.
  3. Insta a o Gubierno d’Aragón a consultar a o Concello de Zaragoza antes de conceder nuevas licencias VTC que permitan exercer a suya actividat en iste termin municipal, y a atender as consideracions que iste Concello faiga a o respecto, en defensa d’una regulación chusta y eficient d’o servicio de taxi”

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies