O pasau 22 de mayo, o Consello d’Europa emitiba o documento de recomendacions especificas publicau por a Comisión Europea a proposito d’o Programa Nacional de Reformas y d’o Programa d’Estabilidat 2017-2020 remitido por Espanya. Dimpués de quasi seis anyos d’a plegada de Mariano Rajoy a o Gubierno, l’informe no fa sino replegar un gran numero d’incumplimientos d’o estau espanyol en numerosas materias, dibuixando un escenario en el qual coincide a mayoría de ciudadans y ciudadanas d’o país: o Gubierno d’Espanya ye un mal gubierno.

En primer puesto, a Comisión Europea abanza que Espanya tornará a incumplir l’obchectivo de deficit en 2017, bella cosa que garra anyo dende que gubierna o PP ha compliu os suyos compromisos presupuestarios manimenos os enormes esfuerzos y retalles que ha habiu de fer y sufrir a población espanyola. Ye mas, Espanya ya ye o país con mayor deficit publico de toda Europa, mesmo superando a Grecia.

Un nuevo récord d’un mal gubierno.

Lo relevant ye, sobre tot, a incapacidat de Rajoy pa reducir-lo manimenos o creiximiento economico. a riqueza se queda en mans d’uns pocos y no plega a o estau adequadament, vía fiscal, pa la suya redistribución.

Pero amás, a mala chestión d’o gubierno d’o PP afecta a una deuda publica que representará iste anyo arredol d’o 100% d’o PIB, quan la recibió en un 69% y a valor de referencia d’a UE ye d’o 60%, la qual cosa implicaría haber de retallar en uns 470.000 millons d’euros pa que sía sostenible a meyo y largo plazo. De nuevo, un mal gubierno que amás de sacar-nos dreitos, inversions y servicios lo fa deixando un herencio quasi insostenible pa las cheneracions futuras.

Portugal yera en piors condicions que Espanya y a UE ya ha meso fin a la suya proceso disciplinario por deficit excesivo. As politicas de cambeo, progreso y de salida chusta d’a crisi d’un gubierno d’a cucha como ye o portugués se contrimuestran como a formula apropiada en contraste con as de retalles implementadas por Mariano Rajoy y o suyo mal gubierno.

Y no i hai una salida chusta d’a crisi porque o creiximiento d’a economía espanyola no se traduz en millors condicions laborals pa treballadors, treballaderas u familias: Bruselas le quita as colors a Espanya y denuncia a incapacidat de Rajoy pa resolver l’altisma temporalidad en l’emplego y le diz que debe responder millor a las necesidatz d’os solicitantes d’emplego y os empleadores, asinas como amillorar l’emparo a las familias, incluindo l’acceso a un ficacio infantil de calidat.

Un mal gubierno o espanyol.

Si en chestión o gubierno d’o PP ya sale muit mal aturau con razons suficients pa un chiro radical en a politica espanyola, l’informe cuestiona dreitament a labor de Rajoy y o suyo mal gubierno respective a la corrupción.

Bruselas s’ha cansau d’a ineficacia d’o mal gubierno d’o Partiu Popular pa meter freno y, debant d’a insostenible situación politica que han chenerau os casos de corrupción que chapurquea a imachen d’Espanya en os zaguers meses como os Ignacio González, Púnica, Gürtel u Rodrigo Rato, advierte que “no s’ha adoptau una estratechia de prevención pa mitigar o risgo de corrupción”, ni s’han implementado medidas anunciadas. Amás, se cuestiona a independencia d’a Oficina de Conflicto d’Intréses, l’ausencia de protección pa os “informantes” y critica a falta de regulación d’os lobbies.

Amás, a UE cuestiona la reforma d’a Lei d’Enjuiciamiento Criminal de 2015 pa limitar os plazos d’instrucción ya que a causa d’o “prolongado procedimiento chudicial, podría traducir en impunidat en os casos complexos de corrupción”. Ye dicir, sinyala que s’ha modificau una lei pa que prescriban os delitos de corrupción que afectan a os miembros d’o suyo partiu; un eixemplo d’o que ye un mal gubierno.

A corrupción afecta no solament a la democracia, tamién a las condicions de vida d’a chent, expolia recursos publicos y diezma dreitos fundamentals. a corrupción, muit ligada a o proceso de privatizaciones enarbolado por o neoliberalismo, nos ha empobrecido y nos saca dreitos.

Permite amás que o poder real en Espanya resida en grans interpresarios que no se presientan a las eslecions, competencias cedidas por iste mal gubierno.

Por ixo ha plegau un momento en el qual ya no están prou as comparecencias ni as peticions de dimisión que se las leva l’aire debant d’os sentius sordos y a irresponsabilidad d’iste mal gubierno y a ferramienta parlamentaria y constitucional que nos queda debant d’ista situación d’excepción ye a d’a moción de censura.

MOCIÓN:

PRIMERO: O Pleno d’o Concello de Zaragoza refusa rotundament as politicas desembolicadas por o Partiu Popular y o gubierno de Mariano Rajoy por lo que fa a control de deficit, deuda publica, emplego, emparo a las familias y de luita contra a corrupción ya que, dimpués de quasi 6 anyos de chestión, s’ha contrimostrau que son politicas fracasadas tal como ha meso de manifiesto o Consello d’Europa.

SEGUNDO: O Pleno d’o Concello de Zaragoza, debant d’a excepcionalidad democratica que vivimos, insta a os grupos parlamentarios d’o Congreso d’os Deputaus y a os partius que los sostienen a negociar y meter d’alcuerdo pa presentar una moción de censura que substituiga a Mariano Rajoy y a o suyo mal gubierno que preside.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies