Miembros de Zaragoza en Común participan entre tot iste cabo de semana en a trobada municipalista internacional “Fearless Cities” (Ciudatz sin miedo) que se celebra en Barcelona os días 9, 10 y 11 de chunyo. Pedro Santisteve participará entre a tarde d’o viernes en l’acto inaugural, un acto publico en el qual alcaldes, alcaldesas, concejales y concejalas de municipios de totz compartirán o suyo visión d’o que significa estar una “ciudat sin miedo”.

Miembros de Zaragoza en Común se desplazarán iste cabo de semana a Barcelona pa participar en “Fearless Cities” (Ciudatz Sin Miedo), cumbre internacional municipalista organizada por Barcelona en Comú. Una trobada, que como explica a organización, naixe “en un mundo an o miedo y a inseguridat se son convertindo en odio y as desigualdades, a xenofobia y l’autoritarismo son creixendo, os lugars y as ciudatz se son convertindo en o puesto dende an defender os dreitos humans, a democracia y o bien común”. L’obchectivo d’a trobada ye que os movimientos municipalistas construigan “retz globals de solidaridat y esperanza frent a l’odio, os muros y as buegas”.

Pa ixo, Ciudatz Sin Miedo celebra a suya devantadera hue viernes a las 19 horas en a Plaça dels Àngels de Barcelona, con l’acto publico “Ciudatz sin Miedo: retz globals de cubillar y esperanza” en el qual alcaldes, alcaldesas, concellers y concelleras de municipios de totz  o mundo compartirán o suyo visión d’o que significa estar una “ciudat sin miedo”: dende resistir l’autoritarismo u combatir a extrema dreita dica luitar contra a especulación, ubrir o gubierno a la participación ciudadana y guarenciar o dreito a la ciudat.

Iste acto publico reunirá a Ada Colau, Alcaldesa de Barcelona, Manuela Carmena, Alcaldesa de Madrit, Pedro Santisteve, Alcalde de Zaragoza, Éric Piolle, Alcalde de Grenoble (Francia), Rena Dourou, Gubernadora Rechional d’Attica (Grecia), Jorge Sharp, Alcalde de Valparaíso (Chile), Dolors Sabater, Alcaldesa de Badalona, Jesse Arreguin, Alcalde de Berkeley, California (EEUU), Dejla Hamo, Co-Alcaldesa de Derik (Rojava), Gerardo Pisarello, Primer Tenient d’Alcalde, Barcelona, Xulio Ferreiro, Alcalde d’A Coruña, Martiño Noriega, Alcalde de Santiago de Compostela, Caren Tepp, Concejala de Rosario (Argentina), Andrea Reimer, Concellera de Vancouver (Canadá), Helen Gym, Concellera de Filadelfia (EEUU) y Áurea Carolina de Freitas, Concellera de Belo Horizonte (Brasil).

Entre os días 10 y 11, a trobada internacional contina con a celebración de numerosos tallers, mesas redondas y debatz pa que movimientos municipalistas, personas electas y movimientos socials se conoixcan y intercambien experiencias. Os tallers y mesas tractarán tematicas diversas arredol de tres eixes: a feminización d’a politica, treballar o municipalismo global en ret y frenar a extrema dreita. Miembros de Zaragoza en Común participarán en as mesas y grupos de treballo de participación y remunicipalización d’os servicios publicos.

Dende Zaragoza en Común entendemos que a celebración d’este y atros foros de trobada y intercambio que metan en contacto as diferents experiencias de movimientos socials, movimientos municipalistas y representants institucionals, resulta esencial pa fer frent dende lo local a o capitalismo y a la desigualdad, racismo y xenofobia que chenera.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies