Os barrios rurals d’a Cartuja Baixa, Penyaflor y Sant Chuan de Mozarrifar han enchegau os suyos respectivos procesos participativos pa definir os prochectos a levar a cabo dentro d’o convenio d’o Concello de Zaragoza con a Diputación Provincial. Iste sistema permitirá ofrir o dreito a participar a la ciudadanía empadronada en ditos barrios, mayor de 14 anyos, en a esleción de ditos prochectos, supervisar a suya execución y realizar o seguimiento de tot o proceso.

O “Convenio pa la cooperación en a realización d’un plan d’obras d’instalacions d’infrastructuras y equipamientos en os Barrios Rurals d’o municipio de Zaragoza“, sinyau o 15 de marzo de 2017 entre a Diputación Provincial de Zaragoza y o Concello de Zaragoza, ye dedicau a la realización de treballos entre os anyos 2017 y 2019.

Mientres que Sant Chuan de Mozarrifar, a Cartuja Baixa y Penyaflor han decidiu realizar a esleción d’os prochectos a traviés d’un proceso participativo, en a resta de barrios a decisión no s’ha ubierto a la participación d’os vecins y vecinas. Ye una qüestión de voluntat politica.

Dende Zaragoza en Común tenemos muit claro que as decisions sobre as grans obras en os barrios rurals han d’estar vinculadas a os suyos vecins/as. Si queremos que as personas tiengan confianza en as institucions, cal ubrir a participación ciudadana a las decisions que mas nos afectan.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies