Entre os días 12 y 15 de chunio, l’Asambleya Ciudadana de Zaragoza en Comun ha celebrau as votacions online y presencials pa esleir a cinco nuevos miembros d’a Coordinadora, l’órgano executivo y organizativo de ZeC, componida en a suya totalidat por 15 miembros.

Seguntes o Reglamento de Zaragoza en Común, os miembros d’iste órgano serán esleius por un periodo de 24 meses y a suya composición habrá d’esviellar-se parcialment cada 12 meses. Chunto a os cinco nuevos miembros esleius por Asambleya, os grupos de treballo de vicos y sectorial han esleiu a tres personas, ratificadas por Plenario. Istas ueito nuevas personas se suman a os miembros de l’anterior Coordinadora que remaneixen en iste órgano.

As personas esleidas por l’Asambleya Ciudadana en as votacions online levadas a cabo entre o 12 y o 14 de chunio y en a votación presencial, efectuada o 15 de chunio, son: Esther Moreno, Sara Serón, Carlos López, Iván Andrés y Ramón Campos. O proceso de votación ha rechistrau una participación d’o 26% d’o censo de personas inscritas en Zaragoza en Comun. As personas esleidas por os grupos de treballo de vicos y sectorial son Pilar Cavero, Germán Berbegal y Carlota Vicente.

Queremos sinyalar que una vez mas, son pocas as mullers que dan o paso pa conformar un órgano de dirección politica. Entendemos que encara no s’han aconseguiu as condicions necesarias pa la conciliación real d’a vida laboral, personal y a militancia politica y seguimos sinyalando a importancia d’os cudiaus y de treballar activament por a igualdat entre mullers y hombres en os espacios politicos.

Agradeixemos fundament a las personas salientes tot o buen treballo realizau y deseamos muitos exitos a las personas que s’incorporan a Coordinadora en ista nueva etapa pa seguir construindo organización.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies