Emparamos as actividatz convocadas por a Coordinadora Biscarrués – Mallos de Riglos contra o pantano de Biscarrués entre toda ista semana en Zaragoza y que culminarán o domingo 25 de chunio con una manifestación que recorrerá o centro d’a ciudat.

O Ministerio de Meyo Ambient ha quitau a información publica o prochecto d’o pantano de Biscarrués en o río Gállego, un nuevo prochecto que costaría 126 millons d’euros y que afectaría de traza irreversible a la economía local d’os municipios d’a zona d’a Galliguera.

Compartimos a preocupación arredol d’a construcción d’o pantano de Biscarrués y ye que os datos deixan muitas dubdas sobre a suya sostenibilidat: en os zaguers 24 anyos i hai habiu tant solament 53 días en el qual o caudal pasó de 120 m3/s, la qual cosa suposa en meya 2,2 días a l’anyo y por unatro costau por lo que fa a la función de laminación d’avenidas, as creixidas son muito menos freqüents dende 1980, calendata dende el qual son operativos os embalses de Búbal y Lanuza, auguas alto. Tomando os datos oficials que ofreix Iberinsa en a memoria d’o prochecto sobre o que se paga por canon y tarifa en o sistema de Riegos de l’Alto Aragón, a suma daría 0,004359 €/m3. Una cantidat que multiplicada por l’incremento meyo de 10.390.000 m3/anyo regulados, produciría una recuperación t’as arcas publicas de 290 €/anyo, la qual cosa represienta tasament o 0,88 % d’os 5.140.997 €/anyo de costes, ye dicir menos d’o 1%.

Razons ambientals y economicas que pa Maribel Martínez, portavoz de Zaragoza en Comun, son motivo suficient pa “sospeitar que somos debant d’unatra nueva obra hidráulica faraónica que tiene grieus afecciones pa os lugars y vecins y vecinas d’a Galliguera”. A construcción d’o pantano de Biscarrués suposa importants afecciones a o turismo y a la economía d’a zona, quantificadas en a perda de mas de 300 puestos de treballo directos y indirectos. a perda d’o río Gállego como estabilizador de población en a comarca ye un “duro mazazo a un meyo rural que luita por sobrevivir a la despoblación y l’abandono” sinyala Carlos López, portavoz de ZeC.

“Como municipio apegado a o suyo río, conoixemos bien o problema de l’augua en Aragón y sabemos que a solución no pasa por favoreixer os intreses d’as interpresas que se lucran con as grans obras”, concluyen os portavoces de ZeC. “Ye necesario abanzar enta un modelo de chestión de l’augua que respecte as caracteristicas y necesidatz d’os municipios y o modo de vida d’as suyas vecinas y vecins”.

Animamos a la ciudadanía de Zaragoza a participar en as convocatorias organizadas por a Coordinadora Biscarrués – Mallos de Riglos: charras informativas os días 19, 20 y 22 de chunio en o Centro Joaquín Roncal, Centro Social Luis Buñuel y en l’Asociación de Vecins Venecia, respectivament y a manifestación convocada o domingo 25 de chunio a las 12 horas, que dende Plaza d’o Pilar, recorrerá o centro de Zaragoza dica la Confederación Hidrografica de l’Ebro.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies