O Grupo Municipal de Zaragoza en Común ha presentau una moción pa o suyo debat en o Pleno Municipal d’o proximo 30 de chunio, en el qual insta a os grupos municipals a aprebar diez puntos pa una chestión de l’augua y d’una nueva Ecociudad publica, transparent y sozmetida a mecanismos anticorrupción y de control d’as contratas.

Asinas l’han anunciau Pablo Muñoz y Teresa Artigas. Iste prochecto estratechico versa sobre a chestión publica d’o ciclo integral de l’augua y evitar o negocio de l’augua, a inversión en infrastructuras, o control d’as contratas, a participación y transparencia, mecanismos anticorrupción y un pacto por l’augua a largo plazo.

Pablo Muñoz, portavoz d’o Grupo Municipal de ZeC, ha explicau que a razón d’a moción se troba en o “zarre d’un ciclo politico que prencipió fa dos anyos, o devenir d’as politicas d’Ecociudad”. Un ciclo en el qual pa Muñoz, s’ha “charrau poco de politica y muito d’atras qüestions poco relacionadas con o modelo de chestión de l’augua en Zaragoza”.

O portavoz de Zaragoza en Común ha denunciau o “bloqueo” de PP, PSOE y Cs a o gubierno municipal en a sociedat Ecociudad, que fa “imposible l’aplicación d’as nuestras politicas”. Pablo Muñoz s’ha referiu a la propuesta de ZeC ofrida o pasau 30 de mayo a la resta de grupos municipals, pa renovar a confianza u en caso contrario, a presentación d’una propuesta alternativa de gubierno y de prochecto estratechico pa Ecociudad. “Levaremos a o debat plenario os posicionamientos ideolochicos de Zaragoza en Común, que asperamos que sían refrendados por a mesma mayoría de cucha que emparó a iste gubierno en o suyo investidura. Si no, que se plantee un gubierno d’Ecociudad y una linia estratechica alternativa”.

Teresa Artigas ha explicau que os prencipios d’o prochecto estratechico de Zaragoza en Común pa la chestión de l’augua y d’una nueva Ecociudad. se materializan en un decalogo: 1. Chestión publica d’o ciclo integral de l’augua, 2. Evitar o negocio de l’augua, 3. Inversión publica en as infrastructuras de l’augua, 4. Control d’as contratas de depuración y saniamiento, 5. Participación en a chestión publica de l’augua, 6. Encorporación de mecanismos legals de transparencia en a chestión, 7. Prevención d’errors y irregularidatz, 8. Responsabilidat social d’Ecociudad, 9. Ecociudad, interpresa publica 2.0 y 10. Un pacto a largo plazo.

Artigas ha sinyalau que “tendemos a man a totz os grupos politicos, especialment a os grupos progresistas, ta buscar o maximo emparo posible y a estabilidat politica tanto en a chestión de l’augua, como en o propio funcionamiento d’a sociedat Ecociudad”.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies