Os representants de Zaragoza en Común en a Sociedat Municipal Ecociudad Zaragoza han dau un paso mas en a “qüestión de confianza” pa abordar necesariament o debat sobre o modelo de chestión de l’augua y saniamiento en a ciudat.

Agotado o mes ofriu a la oposición pa plantear un prochecto alternativo sin haber recibiu ni una sola propuesta, Pedro Santisteve (president), Teresa Artigas (vice presidenta) y Pablo Muñoz (vocal) deixan os suyos puestos en o Consello d’Administración d’Ecociudad pa abordar de pleno o debat sobre “cómo queremos depurar as auguas de Zaragoza”.

Por meyo d’una moción, s’ha planteau a la resta de grupos politicos bien validar o prochecto de gubierno pa la sociedat planteyau por ZeC u bien plantear un prochecto alternativo pa mesma chunto a propuesta d’un nuevo equipo de gubierno pa la Sociedat Municipal Ecociudad.

A decisión d’a oposición PP-CS-PSOE de mantener en Ecociudad un permanent bloqueo a las iniciativas derivadas d’o prochecto de gubierno d’a sociedat planteau por Zaragoza en Comuna ha levau a dito sociedat municipal a una situación insostenible en termins de gobernabilidat. Estando una sociedat que chestiona un servicio estratechico y extremadament delicau pa la vida d’os zaragozans y zaragozanas como o saniamiento d’as nuestras auguas.

Con a propuesta que se debat hue en a moción y dada a decisión de PP-CS-PSOE de gubernar “dende a oposición” a sociedat municipal Ecociudad, o Gubierno de Zaragoza en Común proposa a istes grupos a posibilidat de plantear leyalment un prochecto de Gubierno alternativo pa la mesma, asinas como l’equipo humán que la leve abance.

Ixo no significa una dejación de funcions u falta d’ideyas. Se tracta de meter sobre a mesa o programa de diez puntos pa o Gubierno d’Ecociudad. Queremos charrar de prochecto y futuro pa una sociedat clave en o día a día d’os nuestros vecins y vecinas. Charramos de prochecto antes que de personas, por ixo hemos decidiu dar un paso debant y presentar a dimisión d’os miembros de ZEC en os suyos cargos d’a SM Ecociudad: President, Vice-Presidenta y vocal.

Privamos asinas que de nuevo o dialogo con a oposición tienga a tentación de perder una vez mas en o esteril laberinto d’as valoracions personals, en cuenta d’o que ye realment important: quál ye o futuro y o prochecto de chestión t’a SM Ecociudad.

Zaragoza en Común no renuncia a un prochecto pa o gubierno d’Ecociudad, disenyau en o suyo programa de diez puntos. Ni a la posibilidat de liderarlo dende l’equipo de gubierno d’a SM Ecociudad.

A renuncia d’os nuestros cargos, igual que ya faciemos en a liquidación imposada por ixes mesmos grupos municipals en a SM Expo@, ye a posibilidat final que planteyamos pa trobar un espacio leal de dialogo con a oposición que desfaiga a situación de paralís, a el que o bloqueo sistematico que ha exerciu dica agora de qualsiquier acción de gubierno efectiva ha levau.

Ista ye a propuesta politica de Zaragoza en Comuna pa Ecociudad:

1º Chestión publica d’o ciclo integral de l’augua. Chestionar dende o propio Concello tanto l’abastecimiento y a potabilización como o saniamiento y a depuración de l’augua.

2º Privar o negocio de l’augua. Tal como marca a Directiva Europea Marco de l’Augua, l’augua no ye una mercadería ni ha d’estar aprofitada pa l’enriquecimiento. As taxas u impuestos habrán d’ir encaminaus exclusivament a o pago d’os costes d’os servicios relacionaus solament con l’augua. Tamién debe guarenciar l’acceso a l’augua de qualsiquier persona, con ferramientas como tarifas socials y progresivas.

3º Inversión publica en as infrastructuras de l’augua. Ye necesario que as inversions que s’empenten cumplan os criterios de racionalidat, eficiencia y sostenibilidat.

4º Control d’as contratas de depuración y saniamiento. Mientres parte d’os servicios s’ampren de traza externalizada, ye imprescindible intensificar o control sobre as interpresas privadas que lo chestionan.

5º Participación en a chestión publica de l’augua. Ye imprescindible incorporar a la ciudadanía en la toma de decisions estratechicas respective a la chestión de l’augua asinas como en a evaluación d’as politicas realizadas por meyo de mecanismos de rendición de cuentas.

6º Mas claro, augua. Ye imprescindible incorporar mecanismos legals de transparencia en a chestión, encaminaus a que a ciudadanía dispose de toda a información.

7º Prevención d’errors y irregularidatz. As sociedatz mercantils pueden cometer irregularidatz y errors, por ixo ye necesario enchegar procedimientos pa aprevenir-los.

8º Responsabilidat social d’Ecociudad. A empresa Ecociudad, como ente municipal, debe guarenciar o treballo de calidat d’o suyo personal y veilar por el qual depende d’os suyos contratas.

9º Ecociudad, interpresa publica 2.0. Paralelament a que se rescata o servicio de depuración y saniamiento pa la chestión directa por o concello, cal plantear alternativas pa que a experiencia d’a interpresa municipal pueda colaborar en a millora d’os servicios publicos.

10º Un pacto a largo plazo pa guarenciar os recursos estratechicos d’a ciudat. L’augua, como prencipal recurso estratechico d’una ciudat, debe estar sozmetida a un alcuerdo que vaiga dillá d’una lechislatura y que guarencie o control d’a mesma por parte d’os ciudadans.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies