Zaragoza en Común empara a chornada de movilización “Canfranc reobridura. La luita contina”, que se celebra iste domingo 16 de chulio en a estación internacional d’os Arañones, convocada por a Coordinadora por a Reobridura d’o Ferrocarril Canfranc Oloron (CREFCO) y a Coordinadora por a Reobridura d’o Ferrocarril Oloron-Canfranc (CRELOC).

A reobridura d’o Canfranc ye un d’os eixes fundamentals y de mayor trascendencia pa meter a Zaragoza y a Aragón definitivament en o mapa d’a lochistica internacional. No solament revitalizaría Aragón economica, social y lochisticament sino tamién tot el Pirineo y a zona rural d’a comarca d’a Jacetania, ubrindo Aragón a Europa y facilitando asinas o desembolique de prochectos economicos en Zaragoza y o suyo entorno.

Pa chenerar emplego y por tanto, asentar población en o territorio, son absolutament necesarias infrastructuras adequadas que connecten personas y lugars y que faciliten l’intercambio y o transporte de mercaderías. Con a Terminal Marítima de Zaragoza, a salida a o mar ya ye muito mas sencilla que el que nuestro teixiu productivo podría imachinar fa pocos anyos. Con a reobridura d’o Canfranc, a salida a o continente vendría a completar a posibilidat de poder meter rapidament os productos elaboraus en Aragón en quasi qualsiquier rincón d’a planeta.

En iste sentiu, cal recordar que o Gubierno francés, finalment, sí ha compliu con a suya promesa de reabrir un d’os tramos de ferrocarril cerraus, o d’Olorón a Bedous, metendo asinas en evidencia o taso compromiso existent entre totz istes decenios por parte d’o Gubierno espanyol, tanto d’o PP como d’o PSOE, en a reobridura d’o Canfranc. Tamién a Unión Europea ha respaldado recientment a reobridura, con a decisión de destinar 7,5 millons d’euros pa financiar os prochectos y estudios necesarios pa poder levar-la a cabo.

L’achuga por restaurar y reabrir a linia ferroviaria entre Aragón y o sudoeste de Francia pa facilitar o tránsito de mercaderías y viajeros entre Espanya y Francia, conllevará o desembolique d’Aragón como polo lochistico. Ista medida, unida a la construcción d’o corredor Cantábrico -Mediterranio, ye una demanda politica y social que Aragón leva pedindo entre quantos decenios.

Zaragoza en Común s’adhibe a la historica reivindicación por a reobridura d’o ferrocarril internacional de Canfranc. Una reivindicación que tamién dende l’acción institucional, o Gubierno Municipal ha meso sobre a mesa entre totz dos primers anyos de lechislatura con a celebración y participación en chornadas y trobadas de caracter oficial.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies