Ahiere 17 de chulio s’entregó a o Concello l’informe d’auditoría sobre os costes d’a linea 1 d’o tramvía pa conoixer o coste d’execución d’o prochecto de construcción y enchegada y como afecta a os diners publicos, en forma de subvención, concediu pa ixo a la Sociedat d’Economía Mixta Os Tramvías de Zaragoza d’el qual o 20% ye propiedat municipal y o 80% restante d’un pull d’interpresas en el qual son Ibercaja, FCC, Acciona, CAF, TUZSA y CONCESIA.

L’auditoría, encargada por licitación publica a l’auditor externo Moore Stephens, s’ha feito pa conoixer o coste real y saber si l’aportación publica (Concello y DGA a o 50% y por una valor de 128,7 millons, d’el qual DGA en prencipio no ha feito frent a 40) s’achusta a o que ye chustificau.

L’auditoría ha concluiu que:

  • As administracions solament podeban subvencionar ixo que ye gasto u inversión y no atros conceptos.
  • De l’importe total, 319 millons sin IVA, 387 en total, solament son correctament chustificaus 281.
  • Isto se debe a:
    • O IVA (uns 42 millons) no puede cubrir por una administración publica meso que a SEM s’ha deduciu o 100% d’o mesmo,
    • Reservas financieras destinadas, una parte a un saldo minimo que solament pueden estar usaus pa ir devolviendo ampramos y unatra a reservas de reposición d’equipos y materials a lo largo d’os 25 anyos siguients que seguntes l’auditor debe financiar a interpresa explotadora con os suyos ingresos d’explotación (billete y a subvención municipal a o billete). Suman 31 millons d’euros.
    • Quasi 4 millons de gastos que exceden los importes ofertados en os pliegos.
  • Amás, 31,3 millons derivados de gastos financiers entre a construcción, no sería os datos en mans d’o concello por confidencialidat, podendo estar entregaus de traza immediata por a interpresa
  • Si se chustifica adequadament ixe capitol, o coste d’a obra debidament chustificada sería de 310 millons, y l’aportación publica habría d’haber estau de 99,9 millons en cuenta de 128.

O viernes o gubierno d’a ciudat tomará conoixencia formal de l’auditoría y estudiará tomar as medidas necesarias pa achustar o desequilibrio existent (previos informes churidicos que puede encargar) entre o que efectivament ha pagau, la qual cosa heba de pagar y a parte que se reclama como deuda a DGA con el qual o dialogo contina ubierto. Asinas mesmo se reunirá con a SEM Os Tramvías.

En garra caso se mete en periglo a continuidat d’o servicio ni a suya viabilidat.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies