Os concellos de Zaragoza, Barcelona, Madrit, Uesca, A Coruña, Santiago, Cádiz, València, Valladolid y Terrassa han denunciau hue que quantas esmiendas presentadas por Ciudadans (C’s) y o Partit Demòcrata Europeu Català (PDeCAT) a o prochecto de Lei de Contratación Publica atentan contra l’autonomía local d’os Concellos. En concreto, mete impedimentos a os diferents procesos de municipalización que se son levando a cabo.
As esmiendas presentadas por istes dos partius proposan a modificación de quantas leis, como a Lei de Bases d’o Rechimen Local y o texto refundido d’as disposicions legals vichents en materia de Rechimen Local, aprebau por Real Decreto Lechislativo 781/1986 d’o 18 d’abril con a intención de:
-
Fer preceptivo en os procesos de remunicipalización un informe de l’órgano competent en materia d’a esfensa d’a competencia. Iste informe sería d’obligatorio cumplimiento en caso de monopolio d’o servicio.
-
Solament se podrían fer istas internalizaciones caso que no existisen limitacions u restriccions de tipo presupuestario en relación a l’incremento d’o numero d’emplegaus publicos u d’a masa salarial.
-
Fer que estase necesario modificar a relación de puestos de treballo d’a interpresa / administración que subroga, que os puestos que se creyasen isen de caracter indefiniu y que o suyo cobertura se convocara con caracter previo a la finalización d’os contractos.
-
Que, u bien o Ministerio de Ficienda u bien as CCAA, hesen de visar as remunicipalizaciones.
-
Que ista norma tenese caracter retroactivo.
Istas esmiendas, que se pueden consultar en o siguient link, https://goo.gl/uit5kz, buscan adhibir burocracia a os procesos de municipalización. Al mesmo tiempo, provocar que os procesos queden en mans d’os organismos competents en materia d’a esfensa d’a competencia, especialment en os casos de monopolio d’o servicio. Quedarán tamién supeditados a o visado d’atras administracions. Y a encorporación d’os treballadors y treballaderas subrogados se ferá tenendo un impacto en a taxa de reposición y, por tanto, consumindo ofierta publica, ya de por sí limitada por as succesivas Leis Chenerals de Presuposaus d’o Estau.
As esmiendas que presientan istes dos partius politicos buscan paralizar os procesos d’internalizaciones, ya que en as Leis de Presuposaus contemplan siempre limitacions en l’incremento d’as plantillas y en a masa salarial. Tamién pretenden obligar a convocar como indefinidas plazas de cobertura temporal. Iste redactado estableix o caracter retroactivo d’as medidas, isto significa que s’obligaría a rehacer (y previsiblement anular) procesos d’internalización ya finalizaus.
En definitiva, istas esmiendas pretenden vaciar de conteniu l’autonomía local, quedando os municipios como delegacions administrativas sin capacidat de decisión en mans d’o Estau u a Comunidat Autonoma. Tamién subordinan os dreitos d’as treballadoras y treballadors, l’aplicación d’a legislación laboral y o respecto a os dreitos d’a ciudadanía a acceder a servicios publicos de calidat.
Por iste motivo, os concellos de Zaragoza, Uesca, Barcelona, Madrit, A Coruña, Santiago, Cádiz, València, Valladolid y Terrassa piden que istas esmiendas sían retiradas ta mantener l’autonomía municipal.
Ista nueva reivindicación de l’autonomía local se leva a cabo dimpués que o pasau 17 de mayo os Concellos de Zaragoza, Barcelona, València, Valladolid, A Coruña y Terrassa ya presentasen una declaración municipalista ta denunciar las menazas que suposaba a l’autonomía local y a financiación local de l’alavez prochecto d’os presuposaus chenerals d’o Estau ta 2017. Pedro Santisteve recalcó alavez que as dificultatz con el qual se troban os Concellos ta devolver a la chestión publica os servicios que ampramos a la ciudadanía, ye enorme y manimenos, existe una gran facilidat t’a suya externalización. a norma habría d’estar lo publico y a excepción a suya privatización.