A Concellería de Policía Local s’ha reuniu con os grupos municipals pa fer-les plegar o primer borrador de treballo sobre o “Plan d’actuación pa un nuevo modelo de seguranza en a ciudat de Zaragoza”.
Un documento basau en a prevención y en a proximidat a o teixiu social y a las necesidatz ciudadanas,  que amillora aspectos fundamentals de transparencia y ye fundamentado en experiencias y modelos avanzaus y progresistas en materia de seguranza aplicaus en atras ciudatz.
Zaragoza en Común proposamos en iste borrador distintas linias de treballo pa modernizar y desembolicar nuevas politicas publicas dentro de l’ambito d’a seguranza, con el qual poder treballar a partir de setiembre.
O borrador naixe de l’analís d’a situación actual d’a plantilla d’a policía local y d’a necesidat d’un nuevo enfoque sobre o modelo policial, que quedará definiu en os proximos meses dimpués de treballar con os actors implicados. S’han recibiu propuestas dende os sindicatos que s’irán estudiando y incorporando en o suyo caso seguntes abancen as conversacions.
O borrador d’o nuevo modelo de seguranza incluye accions que ya son desembolicadas u mesmo enchegadas:
– Creyación d’un perfil d’a Policía Local en retz socials.
– Enchegada d’a Unidat de Mediación, que se realizará con una formación especifica con a Universidat de Zaragoza.
– S’incluyen amás atras medidas que s’han probau en atras ciudatz espanyolas y europeas, como o Programa d’Identificación Policial Eficaz u o Comité d’Etica.
– En setiembre s’encetará una formación especifica t’os mandos sobre l’enfoque comunitario d’a labor policial como primer paso pa la implementación d’este modelo, que rancará con una preba piloto en un vico.
– Como novedat se preveye creyar una unidat de refuerzo flexible en el qual s’integrará l’actual UAPO, que centrará o suyo treballo en reforzar l’actuación d’a resta d’unidatz quan isto sía necesario, en especial d’as funcions relacionadas con a prevención y a proximidat. Tendrá a mesma estructura, calandario y condicions laborals de l’actual UAPO y o mesmo uniforme que a resta d’unidatz potenciando o patrullaje a piet y en parellas.
S’incorporan asinas en o documento de treballo, proposadas ya replegadas en as vías de participación a la sociedat que dende Zaragoza en Comun hemos ubierto entre o curso. Somos debant d’a primera reunión con os grupos y en a primera fase d’un borrador que habrá d’ir avanzando en a negociación.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies