Iste viernes esfenderemos en o pleno d’o Concello de Zaragoza una moción d’emparo a la Lei de Vivienda d’a Plataforma d’Afectaus por a Hipoteca, tamién conoixida como “as 5 d’a PAH“.

“Manimenos aquells que proclaman que a crisi ya ha concluiu y que batemos récords d’emplego y prosperidat, as zifras d’o Consello Cheneral d’o Poder Chudicial no enganyan y os desahucios aumentan por primera vez en quasi dos anyos con una puyada d’o 2,2% en taxa interanual de desahucios practicaus, mas de 189 cada día. En o primer trimestre de 2017 han estau 403 os lanzamientos practicaus en a provincia de Zaragoza, a mayoría d’ells vivienda habitual y situaus en a ciudat de Zaragoza. a Oficina Municipal de Vivienda, tamién arroja datos insoportables: en 2016 s’ubrioron 396 expedientes de mediación de familias que enfrentaban procesos de perda d’a suya vivienda habitual y 69 estioron realojadas en viviendas municipals. Ista ye a llamada recuperación?

Seguntes l’órgano de gubierno d’os chueces, iste incremento se debe, prencipalment, a l’aumento d’os desahucios d’inquilinos derivados de l’aplicación d’a Lei d’Arrendamientos Urbans (LAU), que aconsiguioron os 9.612 (56,4% d’o total). Tamién os datos disponibles y a Oficina Municipal de Vivienda confirman ista tendencia, arrojando porcentajes encara mayors -respective a os facilitaus por o CGPJ-a os desahucios por impago de rentas d’alquiler. En total s’ubrioron 292 expedientes de mediación en 2016 por iste motivo.

O mercau privau d’alquileres ye insuficient, amás sufre un proceso especulativo, y l’argumento d’agilizar “os desahucios a morosos” -vista con perspectiva-estió una cortina d’humo dimpués d’el qual s’amagaba retallar y limitar o dreito a la vivienda. Por ixo, la reforma d’a LAU beneficiaba a os arrendadores, que podrían desfer con facilidat d’os inquilinos pa logar os inmuebles a pres mas elevaus. Estando una lei inchusta con os mas febles. Ye necesario recordar que una vez estallo a burbuja immobiliaria y se produció la estafa hipotecaria, as entidatz financieras y fondos d’inversión controlan inchents cantidatz de viviendas producto d’o desahucio de decenas de milars de familias. Dos eixemplos: Caixabank supera as 35.000 viviendas dedicadas a l’alquiler, y o fondo estadounidense Blackstone ya conta con mas de 14.000.

A ONU, en concreto o suyo Comité de Dreitos Economicos, Socials y Culturals, acaba de decretar a primers d’iste chulio, que Espanya violó os dreitos humans en practicar un desahucio sin guarenciar una vivienda alternativa por o Estau a una familia. A orden chudicial de desahucio yera legal pero o feito de no proporcionar una alternativa habitacional vulnera os dreitos humans. Por ixo a ONU determina que Espanya debe formular y aplicar un plan integral que guarencie o dreito a la vivienda, amás de recomendar que s’adopten as medidas que sían necesarias pa asegurar que os desahucios a personas sin recursos solament s’executen dimpués de consultar a os afectaus y a las autoridatz estatals pa que se les proveiga d’una alternativa habitacional, sobre tot en os casos en el qual i haiga menors d’edat, personas mayors, personas dependients u qualsiquier estar humano en situación de vulnerabilidad.

Tamién s’acaban de conoixer zifras sobre a solución dada por a legislación espanyola a o drama d’os desahucios, o Código de Buenas Practicas (CBP), que en 5 anyos tasament ha practicau 7.095 daciones en pago y 7 sacas.

Iste Código d’adhesión voluntaria, pero de cumplimiento obligatorio, entre dos anyos pa las entidatz firmantes ha paliado en qualques casos o problema d’o sobreendeudamiento hipotecario, pero no ataca de radiz la causa que ya dengún niega que ye una concesión irresponsable de credito y d’o que muitas personas siguen quedando difuera con un numero muit alto de denegaciones.

En iste contexto sobre o problema, a Plataforma d’Afectaus por a Hipoteca (PAH) lanza una campanya denominada “Lei de vivienda d’a PAH” que tiene como finalidat as modificacions de leis que permitan aconseguir l’aplicación efectiva de l’articlo 47 d’a constitución an se charra d’o “dreito a desfrutar d’una vivienda digna y adequada”.

A PAH insiste que l’administración debe adoptar medidas orientadas a luitar contra a desocupación y infrautilización inchustificada d’os inmuebles, muitos d’os quals se troban en mans d’os bancos, pa favoreixer a suya mesa a la disposición d’as personas y colectivos con menos recursos, y exiche tamién medidas pa facilitar o realojo efectivo y immediato d’as personas desahuciadas d’os suyos fogars.

Ye conoixiu o sufrimiento humano que han suposau os desahucios, l’aplicación d’a Lei hipotecaria espanyola cuestionada reiteradament por a legislación europea por as cláusulas abusivas que contempla, a perda d’a vivienda habitual de milars de fogars, o sufrimiento de familias sumidas en a pobreza enerchetica por cortes de suministro, u l’angunia d’haber de malvivir una familia en una cambra por falta de vivienda d’alquiler social suficient, ….

Por tot ixo a PAH empenta cinco demandas pa fer frent a la emerchencia habitacional:

  1. DACIÓN EN PAGO RETROACTIVA
    • Mecanismos de segunda oportunidat pa conceder a dación en pago y a condonación d’a deuda.
    • lnembargabilidad d’a vivienda habitual d’avalistas.
    • Eliminación de cláusulas abusivas y compensación economica por as mesmas.
  2. ALQUILER ASEQUIBLE
    • Reforma d’a LAU pa dar seguranza y estabilidat.
    • Ampliación a un minimo de 5 anyos y/u formulas en as qualas o contracto solament se pueda rescindir en casos concretos d’urchencia.
    • Establir un marco de regulación d’os pres que corresponda a os ingresos d’a población.
  3. STOP DESAHUCIOS
    • Moratoria sobre desahucios de primera y sola vivienda.
    • Obligación de bancos y grans tenedores de vivienda d’ofrir l’alquiler social a las familias afectadas antes d’executar un desahucio.
    • Aduyas a pagar l’alquiler quan o propietario ye un chicot tenedor.
    • Obligatoriedad de l’Administración Publica a ofrir realojos mesmo frent a casos d’ocupación.
    • Asegurar o Dreito d’Arraigo en os realojos, ofrindo-les en o mesmo municipio y vico.
  4. VIVIENDA SOCIAL
    • Movilización de vivienda vacía por meyo d’a cesión obligatoria.
    • Incrementar o parque publico de vivienda.
    • Alquileres Socials no superiors a o 30% d’os ingresos d’a unidat familiar.
  5. SUMINISTROS GUARENCIAUS
    • Prencipio de Precacción: guarencia de no tallar os suministros basicos d’augua, luz y gas sin antes tener información sobre a situación d’as afectadas.
    • Tarifa Social: pago en función d’a capacidat adquisitiva.
    • No asumir as deudas con recursos publicos, obligando a las suministradoras a que asuman o coste d’as familias que no puedan pagar.

Por tot ixo, o Grupo Municipal de Zaragoza en Común presentamos pa o suyo debat y aprobación a siguient

MOCIÓN

  1. O Pleno d’o Concello de Zaragoza empara publicament a Lei de Vivienda d’a PAH con os suyos correspondients 5 demandas pa fer frent a la emerchencia habitacional.
  2. O Pleno d’o Concello de Zaragoza insta a las Cortes Espanyolas a levar a cabo as modificacions lechislativas d’as propuestas replegadas en a denominada “Lei de Vivienda d’a PAH”.
  3. O Pleno d’o Concello de Zaragoza empara y facilita qualsiquier recurso necesario pa la lechislación y posterior aplicación d’a denominada Lei de Vivienda d’a PAH”.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies