O viernes 28 de chulio presentamos una moción a o Pleno Municipal pa poder reservar contractos a entidatz d’economía social y solidaria y centros especials d’emplego.

“A economía social suposa en Espanya o 10% d’o PIB y o 12,5% de l’emplego con 2,2 millons d’emplegos directos y indirectos. Ye un sector que abarca a interpresas de todas as grandarias, opera en totz os sectors productivos y adopta formas churidicas de Cooperativas, Interpresas d’Inserción u Centros Especials d’Emplego entre atras.

A economía social proposa un modelo economico mas chusto y responsable, s’implica en o territorio, coloca a las personas en o centro d’a chestión, se chestiona de forma democratica, redistribuye equitativament os suyos beneficios y contrata a las personas mas desfavorecidas, contrimostrando que son compatibles a eficiencia empresarial y a responsabilidat social y atras formas d’entender a interpresa.

Amás, a economía social y solidaria resiste muito millor a la crisi que as interpresas convencionals. Asinas, o estudeo de FUNCAS denominau “Tercer Sector” atribuye a la economía social o caracter de “contra-ciclico y anticrisis”. En o periodo 2003 -2010 entre que no deixaba de destruir emplego en a economía europea, en iste sector s’incrementó en un 26,8 % en toda Europa. En Espanya entre a crisi, tamién a destrucción d’emplego en a economía social estió notoriament inferior y encetó a creyación d’emplego con antelación a la economía convencional. Ye dicir, a economía social no solament ye una salida real a la crisi economica, sino una forma d’aprevenir atras.

Manimenos, a economía social queda inchustament tractada por as administracions publicas quan analisamos o volumen de contratación publica a o que acceden. Seguntes l’Instituto de Dreito Cooperativo y Economía Social (GEZKI), d’a UPV, a economía social heba resultau adjudicataria de l’1,90 % de los importes totals d’os contractos publicos en 2010-2012, y d’o 2,40 % en o periodo 2011-2013, una infrarrepresentación con un porcentache de contractos publicos adjudicados a entidatz d’economía social irrisoria en relación con a suya peso real en o PIB y en a creación de treballo.

A conclusión ye obvia: debe amillorar y incrementarse l’adchudicación de contractos a la economía social por meyo d’un sistema legal y que funciona: la reserva de contractos a entidatz d’economía social facultándose de traza expresa a las administracions pa que puedan utilizar la reserva de tot tipo de contractos a uns Centros Especials d’Emplego y Interpresas d’Inserción que operan en muit diferents sectors d’actividat (incluidas obras u servicios tecnolochicos) con plena capacidat tecnica y productiva y absolutas competencias.

a Lei 3/2011, de 24 de febrero, de medidas en materia de Contractos d’o Sector Publico d’Aragón, en o suyo articlo 7, limita a posibilidat de reservar contractos a Centros Especials d’Emplego solament pa os contractos de servicios, suministros y chestión de servicios publicos. Debe extender a medida a qualsiquier contracto y en qualsiquier sector y fer extensivo a Cooperativas d’Iniciativa Social ya que carece de sentiu limitar os contractos reservaus a solament unas actividatz. Amás ha d’eliminar a cuantía limite establida pa la reserva de contractos pa Interpresas d’Inserción con a finalidat d’adequar a l’Art. 20 d’a Directiva, 2014/24. Cada administración, especialment a local por a suya acercamiento a la realidat, ha de tener a potestat de decidir en qué sector puede utilizar a contratación publica como una ferramienta adicional pa chenerar treballo en os colectivos mas desfavorecidos.

Por zaguer, y con a finalidat d’atender a todas as realidatz d’a economía social, tamién consideramos necesario que en a revisión d’a Lei de Contractos Publicos que se ye producindo, se transponga l’articlo 77 d’a Directiva 2014/24/UE, sobre contratación publica, facultando a las administracions publicas pa que puedan reservar determinaus contractos especificos (culturals, socials y de salut) a las entidatz replegadas en l’articlo 5 de Lei 5/2011, de 29 de marzo, d’Economía Social que desemboliquen a suya labor en o sector obchecto d’o contracto.

Por tot ixo, o Grupo Municipal de Zaragoza en Común presentamos t’o suyo debat y aprobación a siguient

MOCIÓN

  1. O Pleno d’o Concello de Zaragoza insta a las Cortz d’Aragón a encetar de traza immediata a modificación de l’articlo 7 d’a Lei 3/2011, de 24 de febrero, de medidas en materia de Contractos d’o Sector Publico d’Aragón, pa que quede reflejado lo disposau en l’informe 17/2015, d’a chunta consultiva de contratación administrativa d’Aragón, que estableix que, a la vista d’a regulación contenida en l’Art. 20 d’a Directiva, 2014/24, o limite establiu pa la reserva de contractos pa Interpresas d’Inserción, pueda entender superau y sía posible la reserva de contractos de qualsiquier cuantía.
  2. O Pleno d’o Concello de Zaragoza insta a las Cortes Espanyolas a modificar l’articulau d’a Lei de Contractos pa reservar un minimo d’o 6% d’o total de l’adchudicación publica anual a Centros Especials d’Emplego, Interpresas d’Inserción u Cooperativas d’Iniciativa Social quan empleguen a o 70% os primers, a o 30% de personas en situación u risgo d’exclusión social en o caso d’as segundas u quan as Cooperativas d’Iniciativa Social empleguen a personas con as caracteristicas y porcentajes sinyalaus pa os anteriors.
  3. O Pleno d’o Concello de Zaragoza insta a las Cortes Espanyolas a modificar l’articulau d’a Lei de Contractos trasponiendo textualment l’articlo 77 d’a Directiva 2014/24/UE d’o Parlamento Europeu y d’o Consello, de 26 de febrero de 2014″.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies