Alberto Cubero ha desmentiu de traza tallant a información amaneixida hue en Heraldo d’Aragón an s’afirma que o “o Concello rectifica y anuncia que prepara un plan de poda”.

O Gubierno d’a ciudat mantiene intactas as suyas condicions a FCC pa dotar de mas presupuesto a la partida de mantenimiento d’arbolado.

O Consellero de Servicios Publicos y Personal, Alberto Cubero, ha reaccionau de traza contundent a la portiada que hue publica o diario Heraldo d’Aragón an s’afirma que “O Concello de Zaragoza rectifica y anuncia que prepara un plan de poda”. Amás, a sección de Zaragoza d’o mesmo diario ubre con o siguient titular “Cubero rectifica y prepara un plan de poda de l’arbolado, pero no será dica agüerro u hibierno”.

A información publicada por Heraldo d’Aragón ye basada en a rueda de prensa que ahiere ofrió o Consellero ta exichir a FCC que complise con o requerimiento d’Ecociudad y respectase o convenio colectivo. En dita rueda de prensa, debant d’as preguntas d’os periodistas por o plan extraordinario de poda, Cubero respondió que ya s’heba empecipiau a charrar con FCC y Umbela sobre ista posibilidat pero que, como siempre heba afirmau, dito plan yera condicionado a la entrega d’a totalidat de l’inventario d’arbolado y a que o Concello tenese capacidat de fiscalizar que os diners invertius efectivament revierte en o cudiau de l’arbolado. Pa aconseguir isto zaguer será imprescindible concretar l’incremento de meyos humans y materials que as contratistas aumentarían como conseqüencia de l’incremento de partida presupuestaria.

Debant d’a información publicada hue por Heraldo d’Aragón, Cubero ha declarau que “una vez mas nos trobamos con un titular falso que construye un relato que intresa a determinaus intréses economicos. Pero que a ciudadanía no se confunda, iste Gubierno no va a dar un solament paso dezaga en a defensa d’o buen uso d’os diners publicos por muito que o partiu d’a trama y as suyas aliados mediaticos y empresarials nos presionen. De todas formas, i hai bellas interpresas de comunicación que, por muit poderosas que sían, tienen ya muit poca credibilidat precisament por l’habitual uso d’a manipulación y a mentira.”

A rueda de prensa integra se puede consultar en a canal de Youtube d’o Concello y a parte referent a l’arbolado se troba entre os menutos 18:50 y 25:00. Vinclo a la rueda de prensa: https://youtu.be/d5sn4tdfffo

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies