A plantilla municipal s’ha visto incrementada en 73 personas en o zaguer anyo, entre o 30 de chunio de 2016 y o 30 de chunio de 2017, consolidando una tendencia a l’alza dimpués de 7 anyos de destrucción d’o treballo publico.

Por unatro costau, si dica agora iste incremento d’a plantilla se debeba a la mayor contratación temporal d’interinos, a reactivación d’a convocatoria d’oposicions por parte d’o Concello tamién ye afectando positivament a os funcionarios de carrera.

Entre 2009 y 2015 se destruyoron en o Concello de Zaragoza 609 puestos de treballo directos como conseqüencia d’as politicas d’austeridat, manimenos, ya dende l’encieto d’a lechislatura en 2015 treballamos pa revertir a destrucción d’emplego. O nuestro primer presupuesto en 2016 levó a cabo una inversión en personal que permitió incrementar, por primera vez dende 2009, a plantilla municipal y a metat de 2016 ya s’heba produciu un lieu incremento respective a finals de l’anyo 2015.

A creación de treballo publico ye amás a millor guarencia d’uns servicios publicos de calidat y de no haber de recurrir a las externalizaciones.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies