Zaragoza en Común y o comité d’empresa de FCC Parques y Chardins coinciden que a remunicipalización ye a millor traza d’amillorar o mantenimiento d’as zonas verdas
En o maitín de hue s’ha reuniu o grupo municipal de Zaragoza en Común con o comité d’empresa de FCC Parques y Chardins dentro d’a ronda de reunions que os representants d’os treballadors son tenendo con totz os grupos municipals. En a reunión hemos manifestau a nuestra defensa d’a remunicipalización como millor forma de guarenciar una millor prestación d’o servicio, argumento que dende o comité d’empresa tamién se comparte. Amás, a remunicipalización tamién implicaría destinar totz os recursos economicos a la prestación directa d’o servicio ya que en l’actualidat un 40% d’o coste d’o servicio se destina a conceptos que se cabidarían en caso d’una chestión publica (21% IVA, 13% gastos chenerals y 6% beneficio industrial).
Dende Zaragoza en Común entendemos que a remunicipalización de parques y chardins va a depender fundamentalment de si existe una mayoría politica en o pleno municipal que la empare. Por a nuestra parte, imos a seguir treballando por aconseguir que exista ista mayoría y privar asinas que se repita o refús a la chestión publico d’a depuradora de l’Almozara, quan CHA y Zaragoza en Común nos quedamos solos frent a PP, PSOE y Ciudadans.