Iste maitín, Pablo Muñoz ha valorado l’encieto d’o curso politico 2017/2018 en l’area d’Urbanismo.

Un curso de consolidación de nuestro modelo de ciudat y d’o marco politico que lanzamos en os presuposaus de 2016 y que ya ye veyendo a luz: un cambeo de ritmo y enfoque d’as politicas d’Urbanismo en el qual lo sencillo y lo cutiano ye important.

Prochectos estrela como a revitalización d’os vicos ya son en marcha a traviés d’a reactivación economica, a dotación d’equipamientos y a planificación en as actuacions. Pa ixo somos abanzando en os Planes de Vico: San José, As Fuents y Delicias, tres d’os vicos consolidaus mas tradicionals d’a nuestra ciudat. Os Planes de Vico suposan un treballo a 10 anyos de diagnostico y analís d’as necesidatz que tienen os nuestros distritos.

O curso prencipia asinas con una consolidación de nuestro modelo de ciudat, dimpués d’un periodo de verano intenso en o que a actuacions urbanisticas se refiere.

Operación Asfalto

Dimpués d’a caita d’a operación rechola (una partida plurianual pa dedicar 4,5 millons a millora d’a ciudat) s’aconsiguió que a cantidat prevista pa iste anyo 2017 d’1,5 millons d’euros, no se perdese definitivament. Asinas 300.000 euros pasoron a la operación asfalto, 350000 euros pa arreglos en aceras, a traviés d’a contrata d’obras menors, y 850000 € ta actuacions en barrios.

Amás a Operación Asfalto se reforza con una cuantía de 500.000 €, que por medio d’a brigada de conservación se destina anualment.

Una Operación Asfalto pa el qual se consultó a las diferents Chuntas antes de l’encieto, adhibir as necesidatz detectadas por o Servicio de Conservación. Ista intervención ha prencipiau o 28 d’agosto y antes d’a tornada d’os autobuses escolars o 7 setiembre, ya s’han rematau parte d’as actuacions.

Asinas a calendata de hue s’ha actuau en Espartero, Pza Tenerías, Paseo d’a Mina, Miguel Servet 30, Coimbra, en Almozara Autonomía (C. Salut. Puerta Sancho y Viena, C. Salut-Puerta Sancho, Berna entre Múnegu y Luxemburgo), Torrero (Puente d’América, Avda America), Rabal (Amonte Perdiu-A. Tramullas). La ideya ye que se prolongue quasi mes y meyo.

Se tracta d’uns 15.000 m2 d’actuacions que incluyen 40 carreras d’os 14 distritos d’a ciudat (no aconsigue a o rural): dende tramos completos (13) a actuacions puntuals.

O listau de carreras completas por distrito ye: Casco Historico (C/Torre), Centro (C/Coimbra), Delicias (calles Escultor Palao, Roger de Flor y Ramiro I), San José (calles Terrazas de Cuellar y Sardaña), Almozara (calles Autonomía y Berna), Valdefierro (C/Jerónimo Cancer) Casablanca (C/Tobazo) y Miralbueno (C/a Rosa).

Tamién van a extender a os 14 distritos d’a ciudat actuacions por una valor de 850.000 euros en obras menors en aceras. Parte d’istas actuacions son obras viables que no heban estau seleccionadas en o programa d’obras de presuposaus participativos. Entre atras, por eixemplo en o Casco Historico se va a executar a peatonalización de la calle Trinidat (entre o Cuso baixo y la calle Universidat).

Presuposaus Participativos

Actualment as obras seleccionadas en o proceso de presuposaus participativos se troban en un 30% de grau d’execución, quan s’indicó que 37 d’as 122 propuestas han finalizau u yeran a punto, quasi todas las teneban calendata de de encieto a partir de setiembre. Se deixan t’o zaguer trimestre de l’anyo as de parques y jardines que no se pueden executar entre o periodo estival.

Obras en solars

Iste verano s’ha acondicionado o solar ubicado en la calle Condes d’Aragón chunto a o Seminario y un centro de salut, d’uns 2.500 m2, eliminando o bacheo, alibelando o goso con aportes de tierras, colocando placas de badenes, bolardos pa privar que os vehíclos invadan l’acera, etc., una actuación d’uns 17.000 €. Son en marcha atras actuacions como o d’o solar chunto a o Gran Covián, entre as carreras Pedro Lazaro y Ronda d’Hispanidat y que ye en fase de contratación.

Listau d’obras realizadas en verano 2017

– Eliminación de barreras urbanisticas en Leopoldo Romeo, Monesterio de Guadalupe, Sancho Arroyo, Mº Misericordia, Ramino I d’Aragón, Esteban Talayero, Valero Ripol Urbano y Valle de Broto
– Reparación pavimentos en Pº Echegaray entre Puente de Piedra y Puente de Santiago

– Reforma d’a calzada d’a C/ Postigo de l’Ebro pa amillorar l’accesibilidad peatonal

– Reforma de l’acera de l’Av. Valdefierro entre Noticiero y Hortensia

– Renovación canyería abastecimiento de C/ San Jorge

– Acondicionamiento acceso peatonal a Colechio chunto a P. Cuartero

– Engudronau parcial en recinto ferial

– Reparación rotura de canyería d’abastecimiento en Pº Sagasta, Joaquín Numancia, Juan Jose Lorente, Bubierca, Rioja, Laguna Azorín, cº Molins

– Urbanización aparcadero en C/ Valero Ripol Urbano (en execución)

– Renovación acera C/ Eugenia Bueso (en execución)

– Reforma d’a calzada d’a C/ Trinidat pa amillorar l’accesibilidad peatonal (encieto o 6/09/2017)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies