Zaragoza en Común expresamos o nuestro rotundo refús a l’actitut y declaracions de Juan Antonio Sánchez Quero, president d’a Diputación Provincial de Zaragoza, sobre a cesión d’un espacio pa la trobada d’alcaldes/ixas y parlamentarios/as d’Unius Podemos iste domingo en Zaragoza y apostamos por fortalecer os espacios de dialogo y debat politico.

Maribel Martínez, portavoz de Zaragoza en Común, qualifica as declaracions de Sánchez Quero, d’absolutament “irresponsables” y “insultantes” por parte d’un cargo institucional, “no solament enta l’equipo d’o Gubierno Municipal y l’alcalde Pedro Santisteve, sino enta totz os zaragozans y zaragozanas”.

Carlos López, coportavoz de ZeC, sinyala que istas declaracions obedeixen a la lochica mantenida por o PSOE de “amagar a cabeza” debant d’as grieus vulneracions de dreitos civils en Catalunya. “O PSOE ha de decidir si ye con os dreitos democraticos u con o Partiu Popular”, sinyala López.

“O PSOE d’Aragón dirichiu por Javier Lambán ye maniobrando en a uembra pa impedir que o domingo se celebre en a nuestra ciudat l’asambleya d’alcaldes, alcaldesas, parlamentarios y parlamentarias, convocada por Unius Podemos”. Un acto, puntualiza López, “plural, a favor d’a libertat d’expresión, a fraternidat y o dialogo”.

Frent a las prohibicions y las maniobras politicas pa negar espacios publicos que alberguen trobadas a favor d’a democracia y os dreitos, tenemos clara nuestra posición decidida por ubrir totz os espacios de dialogo y debat necesarios pa fortalecer o pluralismo politico y as libertatz democraticas.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies