Zaragoza en Común, fuerza municipalista plural y diversa, veyemos necesario y urchent valorar os escayecimientos que se son succedendo en Cataluña y en o conchunto d’o Estau espanyol y amostremos a nuestra preocupación debant d’a involución democratica en el qual ye derivando l’actual situación politica.

Somos estando testigos de cómo se cita a declarar a mas de 700 alcaldes y alcaldesas por manifestar a suya emparo a un proceso de consulta ciudadana u referéndum, en definitiva, a una votación democratica. Igualment, en diversos puntos d’o Estau espanyol veyemos cómo se son censurando actos que convidan a o dialogo y a o debat politico sobre ista consulta. Hemos visto a las fuerzas de seguranza d’o estau dentrar en imprentas, intervenir servidores web u mesmo identificar a chent por apegar cartels. Tamién hemos presenciando a detención d’altos funcionarios d’o gubierno catalán u a dentrada en siedes de partius politicos con representación en o Parlament. No sin menos asombro y estupor, observamos cómo o gubierno central ye clamando delincuentes a decenas de milars de personas, mientres se les menaza con desplegar un dispositivo de milars d’achents pa reprimir-los.

O pasau viernes en a nuestra ciudat, en Zaragoza, estiemos testigos d’iste fenomeno represivo con a prohibición d’una charra-debat sobre o dreito a decidir, organizada por las Marchas d’a Dignidat. Un ataque sin precedentes a la libertat d’expresión.

O blinco a o vacío que suposa prohibir y acazar ideolochías perfectament democraticas ye bella cosa totalment inacceptable entre qui nos consideramos democratas y defensors d’os Dreitos Humans. Zaragoza en Común ye producto en gran medida d’a experiencia acumulada por os movimientos socials naixius dimpués d’o estallido d’a crisi y serán istes mesmos movimientos os que experimentarán la merma de dreitos democraticos y libertatz que anuncian os escayecimientos politicos actuals.

Zaragoza en Común somos una plataforma ubierta y plural. En o nuestro seno i hai distintas formas d’entender a qüestión nacional y as suyas distintas identidatz. Pero en o que no existe fisura beluna ye en a defensa d’os dreitos democraticos y en os dreitos fundamentals a manifestación, asociación y reunión. Y entre ixes dreitos, Zaragoza en Común esfenderá decididament o dreito a decidir d’os pueblos d’o Estau espanyol.

Apostamos por o dialogo y exichimos a o Gubierno de Rajoy detener a suya torpe estratechia en Cataluña. No seríanos an somos, si o Partiu Popular hese acceptau posar a negociar con la Generalitat una salida pactada que permitise a la población catalana expresar librement a suya opinión, tal como ha ocurriu en atros puestos como Escocia u Quebec.

Emparamos todas as accions de desobediencia civil pacifica que se den l’1 d’octubre en Cataluña, incluius os intentos de votar. Pensamos que encara somos a tiempo d’emprender un camín alcordau y compartiu, como tamién comprendemos que no podemos exichir a o lugar catalán que aspere eternament pa exercer os suyos dreitos, como dengún nos lo puede pedir a nusatras y nusatros. Por ixo ye deseyable una movilización conchunta pa abanzar enta un Proceso Constituyente, que nos permita guarenciar os dreitos socials y democraticos, decidir a forma d’estau y construir a unidat dende a libre adhesión d’os lugars.

Entre tanto, y debant d’a necesidat urchent de desactivar encara piors derivas d’a situación, Zaragoza en Común reclamamos: o cese immediato de tot nuevo desplegue extraordinario y actuación represiva d’os cuerpos y fuerzas de seguranza d’o estau y especificament, de tot intento d’impedir por a vía d’a fuerza l’exercicio d’o voto a qui deseyan exercer-lo u facilitar-lo; a obserbación escrupulosa d’o cumplimiento d’os dreitos de todas a personas investigadas en os procesos ubiertos contra cargos publicos, interpresas, institucions y particulars en Cataluña con motivo d’a convocatoria 1 Octubre y o respecto a la libertat de reunión, manifestación y expresión en tot o estau.

Zaragoza en Común, por as libertatz civils.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies