Os grupos municipals d’o Concello heban de decidir hue si se remunicipaliza o servicio d’o 010…y a excepción de CHA y Zaragoza en Comuna, han decidiu que no.
PP, PSOE y Cs s’han uniu, una vez mas, pa bloquiar a remunicipalización d’o servicio 010. Iste servicio s’ampra de traza privatizada a traviés d’una interpresa, a el qual o concello ha pagau en tiempo y forma, pero que no ye complindo con o pago d’a nomina a las suyas treballadoras. Debant d’ista profunda desigualdad, decidimos rescatar o servicio.
Hue en comisión extraordinaria hemos presentau una propuesta pa dar continuidat a la prestación d’o servicio d’o 010 dende lo publico, porque entendemos que a municipalización d’o 010 guarencia a estabilidat laboral, a continuidat d’o servicio y que amás, incluiba milloras pa la suya prestación, como a inclusión de ficacio a las personas con discapacidad auditiva con un sistema de traducción de luenga de signos a escritura; a novedat de permitir a las treballadoras d’o servicio de ficacio telefonico a la Base de datos Fiscals, de traza que ellas podesen atender as peticions de domiciliación de recibimientos, u a posibilidat d’implantar o servicio de telepago, incluindo estase de l’horario de ficacio a o publico actual l’abono de pinyoras, sanciones, etc.
PP, PSOE y Cs tornan a bloquiar a remunicipalización d’un servicio en Zaragoza, defendiendo os intréses d’as interpresas, frent a os de 14 treballadoras que levan meses sin cobrar y meter d’o costau d’a chestión privada y no d’a chestión directa y eficient d’os servicios publicos. A oposición ha tornau a buscar sincusas pa no solucionar un problema politico, pero sobre tot humano.
A remunicipalización y chestión directa d’os servicios publicos d’o Concello no solament ye un pilar fundamental d’o programa y d’o modelo de ciudat de Zaragoza en Comuna, tamién habría d’estar una qüestión de voluntat politica de totz os grupos municipals, si realment achugan por una administración publica transparent.
Pro, seguiremos emparando a las treballadoras d’o 010 en as suyas reivindicacions por o cobro d’as nominas que se les adeudan. A plantilla d’o 010 leva anyos cobrando o suyo salario difuera de plazo y o resultau d’ista votación las deixa, de nuevo, en a mas absoluta precariedat laboral.